VOV4.Xơ Đăng - On tơhrik kơtâu ƀă khía a kĭng têa hiăng hbrâ rơnáu vâ chiâng môi tung mâu trăng ki kal tung tơdroăng ki hơ’lêh on tơhrik dêi tơnêi têa ƀă tơdroăng ki rĕng mơjiâng pro on tơhrik kố cho tơdroăng ki kal khât ăm tơdroăng ki kơdroh mơ’no dêi Việt Nam. Mê cho rơkong tối dêi mâu kăn ki veăng hôp a Rôh hôp “Mơjiâng pro on tơhrik khía a kĭng têa xua ăm tơdroăng tung la ngiâ on tơhrik krúa dêi Việt Nam xua khu ngăn tơdroăng cheăng kâ Tơnêi têa ƀă Hô̆i đong On tơhrik Khía Lâp plâi tơnêi tơkŭm po a kơxê lơ 16/12, a Hà Nội.

Rôh hôp ai pơxúa kal khât tung pơla Việt Nam dế tơbleăng pêi pro mâu troăng hơlâ pơkâ mơjiâng pro on tơhrik tối tơdjuôm ƀă on tơhrik kơtâu ƀă khía a kĭng têa tối krê. Tung pơla 20 hơnăm vêh ngi kố, ki rơdêi ‘na mơdêk pro on tơhrik dêi Việt Nam châ a kơlo 10 – 12%/hơnăm, tâk 1,5-2 hdroh ki rơdêi ‘na mơdêk GDP dêi tơdroăng cheăng kâ.

Katarina Nga tơplôu ƀă tơbleăng