VOV4.Xơ Đăng - Tơdrêng ƀă 52 kong pơlê, pơlê kong kơdrâm, pơlê kong kân tung lâp tơnêi têa, Leh pơcháu mơngế lăm bro mố đô̆i hơnăm 2025 a kơpong Tây Nguyên po a hâi lơ 13/2/2025 kố nah (tơkéa vâ tối hâi lơ 16 khế Môi hơnăm Ất Tỵ). Tơdroăng phiu ro a hâi leh lăm pro mố đô̆i hiăng châ ô eăng troh lâp pơlê pơla, troh rêm rơpŏng hngêi ki ai mơngế lăm pro mố đô̆i kring vế, gak ngăn Tơnêi têa. Pro pơro a hâi kố, ngin ai tối “Hâi leh lăm pro mố đô̆i” cho vâ mơhno hiâm tuăn vâ dêi mơngế rơtăm ki lăm pro mố đô̆i, ƀă tơdroăng hâk tơngăm dêi kơpong tơnêi Tây Nguyên ki kro mơdrŏng ing hnoăng cheăng pêi pro dêi kăch măng.