Cho moi tơring ki ối peăng mâ hâi lo pá kơnho\ng kong pơlê Kon Tum, Kon Plong dế kố ai lối 84 rơpâu ha kong ki dế ai loăng hding xâp châ 82%. Mâu khu ngế ki hriăn ple\ng tung hên hơnăm hiăng luâ, malối [ă Khu ki rak vế kuăn kiâ kong dêi khu lâp kong têa hiăng mơnhên tối tơdroăng ki gok gâ, hên he\ng dêi khu loăng pơlái, kuăn kiâ kong a Kon Plong.

Ki rơhêng vâ tối cho tơdroăng ki châ hlo mâu kuăn kiâ ki tơ’lê vâ tro hía, kal châ rak vế ki ó má môi a Việt Nam [ă tung lâp plâi tơnêi, môi tiah: Khu hvá, ko\n chêng prăng ai dâng 500 to; hvá prăng tơpo tr^ng Kơpong Tơdế ai dâng 100 to [ă hên mâu khu kuăn kiâ kong ki kơnía ê, môi tiah, tơkuâ ‘ngré ‘ngró, kơnái kong, kơkốu xêi, phái, mâu hdrê chêm ki u ối dêi Việt Nam [ă tung kơpong, môi tiah chêm Khước Kon Ka King, Khước Ngọc Linh.

Pôa Josh Kempinski, Kăn teăng mâ Khu pơkuâ ngăn kuăn kiâ kong dêi lâp  plâi tơnêi hiăng mơnhên tối kal athế chêh tối kong Kon Plong cho tơnêi kong ki kơnía git, ai hên he\ng, gok ga loăng pơlái, kuăn kiâ kong dêi tơnêi têa:

‘’Kong ngo a Kon Plong cho môi tung khu kong ki kal má môi tung khu kong ki ai hên loăng pơlái, kuăn kiâ kong ki kơnâ dêi Việt Nam. Kong a Kon Plong cho kơpong ki ối a tíu ki kal, tí xê to kơnía ăm to tung kơpong mê ối cho kal păng ‘nâng tung lâp plâi tơnêi. Khu kong a Kon Plong tâng vâ ngăn ai hên he\ng kuăn kiâ kong, loăng pơlái ki kơnía git dêi Việt Nam [ă ga xuân cho tơxâng [ă kơpong ki kơnía git. Kong a Kon Plong ga xuân cho tơviah kân khât xua ga ối a tơdế pơla kong ngo Trường Sơn ing peăng Hdroh tá troh Peăng Kơnho\ng dêi kơdung Truờng Sơn’’.

Tâ tá hneăng hôp

Veăng lăm hôp ai 90 ngế cho mâu ngế pơkuâ, ngế hriăn ple\ng cheăng khoa hok [ă kuăn pơlê a tơring Kon Plong. A chôu phut hôp mê, mâu kăn hiăng tơku\m tơpui tơno mâu tơdroăng cheăng ki xiâm vâ thâ re\ng kum ăm kong a kơpong tơring Kon Plong, kong pơlê Kon Tum mot tung tíu ki châ rak vế ngăn hên tơmeăm khoăng kơnía git dêi tơnêi têa, môi tiah: Mơnhên tíu tơkăng kong dêi dâng 42 rơpâu ha; mâu troăng hơlâ ki hơ’leh [ă ivá cheăng vâ rak vế ngăn; mâu tơdroăng ki ối pá puât drêng khu pơkuâ ngăn dế trâm, [ă troăng hơlâ vâ ‘mâi rơnêu; ai troăng hơlâ pơkuâ, rak ngăn tơtro [ă kong kế, ngo ngối, [ă klêi kơ’nâi mơjiâng mê ah, kô pơkâ pêi pro vâ mơnhông tơdroăng rêh kâ ối dêi kuăn pơlê a kơpong kố châ krá tơniăn.

Pôa Hòang Văn Lâm, kăn pơkuâ khu rak vế kuăn kiâ kong lâp plâi tơnêi tối tiah kố, kal athế to\ng kum 3 kơlo ki xiâm vâ rak tơniăn ăm loăng pơlái kuăn kiâ kong [ă mơnhông pêi cheăng kâ-rêh ối pơlê pơla dêi tơring kố:

‘’Athế kring vế tơniăn ki kơnía git dêi hên hdrê loăng pơlái, kuăn kiâ kong, mâu tíu ki tơku\m hên má môi. Tơdrêng amê, pro ti lâi vâ pêi pro tơtro pơla tơdroăng rak vế ngăn [ă hnối mơnhông pêt kong. Pro ti lâi xuân kal athế rak tơniăn tơdroăng cheăng ki tro [ă rêh kâ ối, hnối kum ăm mâu loăng pơlái, kuăn kiâ kong ki tơdjêp pá Hdroh, pá Kơnho\ng tơniăn tâi tâng’’.

Tơdrêng [ă tăng troăng hơlâ rak vế ngăn ki dâi le\m dêi kong kế, loăng pơlái, kuăn kiâ a tơring Kon Plong, klêi mê, ai troăng hơlâ vâ mơjiâng Khu ki pơkuâ ngăn - rak vế kong, mê hên mâu kăn teăng mâ xuân hiăng tơpui tối nhên, tơdrăng khât, tối mơhno hên tơdroăng ki vâ pro tơ’nhê loăng pơlái, kuăn kiâ kong dêi Kon Plong dế nôkố, mê cho: mâu kuăn kiâ ki kơnía git rế hía rế hlâ long; tơdroăng ki kếo ko ‘nhê loăng rế hía rế hên; pro tơ’nhê kong pêi chiâk deăng [ă mâu tơdroăng cheăng ki ê xuân u ối pơtối hlo ai hên.

Pak^ng mê, cho tơdroăng ki ai hên khu ki tong lăm lúa pe\ng, rup tê mơdró kuăn kiâ kong. A chôu phut hôp mê, Khu rak vế loăng pơlái kuăn kiâ kong lâp plâi tơnêi hiăng tơkêa kô veăng kum khu kăn pơkuâ [ă mâu khu râ dêi kong pơlê Kon Tum lăm séa ngăn, tah lôi mâu kơtro, gui, kơnó, tâ ki pro tung kong ki vâ tăng rup kuăn kiâ kong; hnê mơhno tối kuăn pơlê hlê ple\ng nhên ki kơnía git dêi loăng pơlái kuăn kiâ kong; tăng mâu khu mơdró kâ kân tung veăng ‘no liăn kum rak vế kong kế, nhâ loăng, kuăn kiâ a Kon Plong tối krê [ă kong pơlê Kon Tum tối tơchôam.

Khoa Điềm

Nhat Lisa tơplôu [ă tơbleăng