Văng ‘Mang Yang, drô troăng kân 19 ki tơkâ luâ pơla tơring ‘Mang Yang [ă Đăk Pơ dêi kong pơlê Gia Lai châ ngăn cho tíu ki oh tá tơniăn má môi hmâ ai rơxế tơklâm dêi rơpó. Vâ kơdroh tơdroăng xía vâ ‘na tơklâm rơxế, mâu khu chêh tơbleăng pơchân tối pôi tá kơtâu têi, tơdroăng kố hiăng châ khu râ pơkuâ cheăng chêh tơbleăng a drô k^ng troăng văng ngo [ă a chêng văng, la kơxo# mơngế ki pro xôi luât xuân oh tá kâi kơdroh.

Pôa Phan Văn Phương, môi ngế vê rơxế hmâ kơtâu luâ a văng ‘Mang Yang ăm ‘nâi, pôa xuân hâi tâ hmiân tuăn drêng tơkâ luâ văng kố. Pôa tối tiah kố, mâu khu chêh tơbleăng mê hâi bê tu\m, hâi tơxâng vâ hnê tối, pơchân thế mơngế vê rơxế vâ rak vế i tơtro:

‘’Kố cho mâu troăng ki rơ-iô, lơ pro chiâng ai tơdroăng ki oh tá mơhúa. Xua mê, pơkâ thế mâu khu râ, malối khu pơkuâ ngăn ‘na rak tơniăn drô troăng prôk thế thăm mơdêk dêi hnoăng cheăng lăm séa ngăn, xup [ă kơmăi ngăn rơxế ki lâi kơtâu têi, rup pơxâu vâ hnê. Mâu rơxế hâng, rơxế kân, rơxế chơ hên ngế, rơ-iô khât, la xuân thế rup vâ hnê tối kơtăng [ă mơngế ki vê rơxế ơtâu lối têi’’.

Tiô thươ\ng tă Lê Phúc Điền, Kăn pho\ pơkuâ kăn sât gak troăng prôk, Ko\ng an kong pơlê Gia Lai tối, rơtế [ă tơdroăng ki hâi hlê ple\ng nhên dêi rêm ngế kơto rơxế kơtâu drô troăng, ối hên tơdroăng kơtâu ki oh tá tro chiâng pro trâm xía vâ a mâu troăng kân ki tơkâ luâ kong pơlê Gia Lai.

Hên pơla troăng ki ‘nâ hiăng tơ’nhiê iâ, ‘nâ tơ’nhiê ó la hâi châ ‘mâi rơnêu. Hên tíu ki ‘nâ drô troăng prôk hiăng tơ’nhiê ó la hâi châ ‘mâi rơnêu bro. Hên troăng chong kơ’ve\ng kơ’vo\ng, rơnâk, thông pá mâ, mơngế vê rơxế ôh tá châ hlo nhên, chiâng rơ-iô.

 Khu pơkuâ cheăng kong pơlê tối vâ krâ ‘măn tíu chêh tơbleăng, mơhno tối drăng tíu ki rơ-iô, pôi tá vê rơxế têi, la ối tơkôm khu râ pơkuâ cheăng dêi Tíu xiâm tơnêi têa pơkâ, Thươ\ng tă Lê Phúc Điền, ăm ‘nâi:

‘’Drô troăng kân 19, ing km 121 troh km 124, pơla troăng sap ing Kông Ayun troh bo cheăng tíu kroăng phâk Gia Trung cho tíu ki oh tá tơniăn má môi, hmâ ai rơxế tơklâm drô troăng prôk.

Pơla troăng kố, tung 5 khế apoăng hơnăm, ai 5 hdroh rơxế tơklâm, tung mê ai 1 hdroh tơklâm ó  pro 4 ngế hlâ, 12 ngế tro rong. Ngin pâ thế, krâ ‘măn kế chêh tơbleăng thế kưtâu rơxế khô khối, choâ ‘lâng vâ kơdroh tro tơhlâm, la hâi  hlo vâi arak tro luât’’.

Tơdrêng [ă tơdroăng xôi vê rơxế kơtâu têi, môi tung mâu tơdroăng ki xiâm khoh pro rế ai hên rơxế tơklâm drô troăng prôk tung kong pơlê Gia Lai, cho xua ing mơngế vê rơxế lơ pôu drôu biêr, la ối kơnhêng vê rơxế kơtâu drô troăng.

Troăng kân Hồ Chí Minh, pơla ki tơkâ luâ tơring C|ư Pưh mâu khế achê kố ai hên rơxế tơklâm dêi rơpó, mơngế ki vê rơxế hiăng ôu drôu hên hluâ tơdroăng ăm phep. Mâu rôh trâm xía vâ đi đo pro kuăn pơlê ki rêh ối drô k^ng troăng chiâng tô tuăn, xâu rơ-iô. Pôa Trịnh Phú Nhuận, ối a pơlê kân Nhơn Hòa, tơring C|ư Pưh, kong pơlê Gia Lai, tối:

‘’Nôkố tâng hiăng pôu drô biêr drêng vê rơxế rơ-iô ‘nâng. Rơ-iô troh ivá rêm ngế. A tơmiât tơdroăng pêi pro tơdrêng, ôh tá xê to a kong pơlê mê hên kong pơlê ki ê kal thế pro kơtăng luâ tâ mê nếo, hnê tối đi đo vâ kơdroh tơdroăng ki mơngế vê rơxế lơ ôu drô pôu drêng kơtâu drô troăng’’.

Pak^ng mê, tung mâu rôh tơklâm rơxế, malối mâu rôh tơklâm rơxế tơdjâk troh rơxế ki chơ tơmối, kơxo# mơngế hlâ, rong ối hên ‘nâng, xua kuăn pơlê hâi pêi pro tro tiô pơkâ ‘na tơdroăng ki thế [á râng dêi châ kơxái ki rak tơniăn. Nếo achê pơla kố, tung rôh trâm xía vâ drô troăng prôk ki ó a hâi lơ 7/5.

A km 1632+100 drô troăng kân Hồ Chí Minh, pơla troăng ki tơkâ luâ pơlê kân C|ư Sê, tơring C|ư Sê, kong pơlê Gia Lai, pơla rơxế krâ kơxo# séa ngăn 18B-018.32 [ă rơxé kân krâ kơxo# 77C-139.37, tiô tối mơgêi dêi kơ koan séa ngăn, kơxo# mơngế hlâ kơdroh hên tâng mâu tơmối ki to tung rơxế mê [á dêi châ kơxái ki rak tơniăn. La tâi tâng mâu ki to tung rơxế mê xuân ôh tá pêi pro tơdroăng pơkâ mê, drêng péa toăng rơxế klâm dêi tơpó, hên mâu ngế ki to tung rơxế hiăng kơ’le\ng lo ing rơxế khoh chiâng hlâ [ă tro rong ó.

Klêi rôh tơklâm rơxế, tơdroăng pêi pro tiô pơkâ ‘na [á kơxái [á a châ vâ rak tơniăn ăm mơngế ki to tung rơxế chơ tơmối xuân hâi hlo pêi pro. Drêng tro séa ngăn tơdrêng, [ă hlo tâi tâng mâu ki to tung rơxế chơ tơmối ôh tá vâ rak pro tro tiô pơkâ [á kơxái ki rak tơniăn achâ, pôa Nguyễn Lê, ngế ki vế rơxế chơ tơmối dêi rơxế Bảy Lang, kong pơlê Gia Lai, ăm ‘nâi:

‘’Sap ing nah troh nôkố ôh tá tơmiât troh [á kơxái ki rak tơniăn. Hdrối kố nah, klêi ai rôh rơxế tơklâm a C|ư Sê mê ngin nếo hlo [ă tối pơchân ăm mâu tơmối ki to thế pêi pro tro tơdroăng pơkâ mê’’.

Tung pơla mê, tơdroăng pơkâ 46 hơnăm 2016 dêi Chin phuh xêt [ă pêi pro sap ing hâi lơ 1/8/2016 ai pơkâ: Tâng ôh tá vâ [á kơxái rak tơniăn dêi châ drêng kơto rơxế kô tro pơxâu phâk troh 200 rơpâu liăn. Tung tơdroăng pơkâ ai chêh tối tiah mê, la châ khât gá tơdroăng mê hâi hlo pêi pro.

Trung tă Nguyễn Minh Tuấn, Đo#i pho\ đo#i kan sat gak troăng prôk kơxo# 1, {ơrô kăn sât gak ngăn troăng prôk, Ko\ng an kong pơlê Gia Lai xuân tối tiah kố, tung hơnăm hiăng luâ, mâu khu râ pơkuâ cheăng ai tơmâng khât troh tơdroăng séa ngăn, pơxâu phâk tơdroăng xôi ki oh tá vâ [á kơxái a châ rak tơniăn [ă mơngế ki kơto rơxế chơ tơmối.

Xua khu râ pơkuâ cheăng hâi pơxâu phâk, [ă mâu kuăn pơlê ki kơto rơxế mê xuân hâi vâ rak vế tro luât há. Trung tă Nguyễn Minh Tuấn, ăm ‘nâi:

‘’Hdrối nah, ki hên tơku\m pơxâu phak mâu tơdroăng xôi, ki xiâm khoh tơklâm rơxế môi tiah rơxế ôtô kơtâu lối têi, kơtâu ôh tá tro troăng, rơxế chơ lối hên, lối hngăm hluâ tơdroăng pơkâ lơ rơxế chơ tơmối tơkôm tơmối.

Ing rôh tơklâm rơxế ki ó a pơlê kân C|ư Sê, tiô tơdroăng hnê mơhno dêi kăn hnê ngăn [ơrô, ngin pơtối mơdêk hnoăng cheăng séa ngăn [ă rơxế ô tô ki chơ tơmối ai xoăng koi hôm ai hbrâ kơxái ki vâ [á rak tơniăn ăm mơngế ki to, lơ ai la ôh tá vâ [á dêi châ ngin kô pơxâu phâk kơtăng tiô luât hiăng pơkâ.

Gương tơplôu [ă tơbleăng