VOV4.Xơ Đăng - Xông tơpui drêng dế ối lăm pôu pêi cheăng a kong têa Australia, pôa Moon Jae-in, Kăn xiâm pơkuâ kong têa Hàn Quốc tối ăm ‘nâi, 4 pâ tơdjâk mê cho Hàn Quốc, kong têa Triều Tiên, Sinuâ ƀă Mih hiăng môi tuăn pơkâ ‘na tơdroăng hiăng mơgêi khât roh tơplâ a rơlố Triều Tiên. Laga troh nôkố, mâu roh tơpui tơno xuân tá hâi tơkŭm po xua dế ai tơdroăng ki pro pá. Triều Tiên pơkâ thế Mih kal thế pơtê lôi troăng hơlâ hêng hôu mê Triều Tiên nếo pơxiâm roh tơpui tơno ‘na tơbleăng pơtê lôi tơplâ ƀă Hàn Quốc ƀă Mih.

Klêi kơ’nâi tơbleăng dêi Kăn xiâm pơkuâ kong têa Hàn Quốc, pôa Lee In-young, Ngế xiâm pơkuâ tơdroăng môi tuăn Hàn Quốc tối nhên ‘’tơbleăng pơtê lôi tơplâ cho môi tơdroăng ki nếo ăm hơniâp lĕm’’ tơdrêng amê kơbông krếo Triều Tiên môi tuăn pơkâ tơpui tơno dêi Hàn Quốc.

Gương tơplôu tơbleăng