VOV4.Sêdang - Ƀă inâi “Mơdêk kế tơmeăm pêi lo ing chiâk deăng Việt Nam mot tơrŭm ƀă kong têa ê” mê hâi lơ 8/10 a Hà Nội, Khu xiâm ngăn ‘na chiâk deăng ƀă mơnhông thôn pơlê tơkŭm po Rôh hôp ‘no tơdrêng ing troăng hyôh Internet “Khu kong têa tơrŭm pêi chiâk deăng krá tơniăn Việt Nam (PSAV)”. Rôh hôp cho rôh vâ mâu kong têa tơrŭm cheăng “Tơdjuôm – Krê” dêi kơvâ pêi chiâk deăng rơtế hvái ngăn tung 10 hơnăm pêi cheăng ƀă mơnhông dêi “Mâu kong têa tơrŭm pêi chiâk deăng krá tơniăn Việt Nam”.Ing mê, tối mơnhên mâu tơdroăng ki hiăng pêi pro klêi, mâu tơdroăng ki hiăng ƀlêi chiâng xuân môi tiah mâu ƀai hriâm ki rơkê vâ pơtối mơ-eăm mơdêk châ tơƀrê tơrŭm cheăng Tơdjuôm – Krê tung hnoăng cheăng mơnhông pêi chiâk deăng, thôn pơlê krá tơniăn.

Kố xuân cho rôh vâ mâu khu ki tơrŭm cheăng rơtế ƀă dêi rơpó tơhrâ mơdêk tơ’mot khu ‘no liăn cheăng mơnhông kơvâ pêi chiâk deăng Việt Nam krá tơniăn, tơkâ luâ mâu tơdroăng pơloăng mơnúa dêi rôh tơxul tơxal ‘na cheăng kâ rêh ối pơlê pơla xua pơreăng kân COVID-19 pro.

Nga tơplôu ƀă tơbleăng