VOV4.Sêdang - Pôa Phạm Bình Minh, Ngế pro xiâm phŏ hnê ngăn tơnêi têa hiăng rơtế ƀă pôa Sar Kheng, Ngế pro xiâm phŏ, kăn xiâm pơkuâ ngăn kăn sat kong têa Kul pơkuâ po Rôh hôp Tơrŭm mơnhông mâu kong pơlê tơkăng kong pơla Việt Nam – Kul rôh má 11 tiô tơdroăng ki ‘no tơdrêng ing troăng hyôh internet. Rôh hôp kố tơkŭm mơnhên tối tơdroăng pêi pro mâu tơkêa ki hiăng châ tơpui rơhéa a Rôh hôp má 10 tơkŭm po a khế 1/2019, tơdrêng amê hnối tơpui tơno ‘na túa tơrŭm cheăng pơla mâu kong pơlê tơkăng kong Việt Nam – Kul tung la ngiâ.

Tơpui a Rôh hôp, Péa ngế kăn xiâm pơkuâ tối nhên maluâ tơdjâk xua pơreăng COVID-19, tơrŭm cheăng pơla péa tơnêi têa xuân ối rak vế ivá ki mơnhông tơniăn, rế hía rế trâu hơngế, tơƀrê ƀă ai pơxúa.

Tung la ngiâ, péa pâ môi tuăn mơdêk tâ nếo ki tơƀrê tơrŭm cheăng tung hbrâ mơdât pơreăng COVID-19, veăng kum kơhnâ tung tơdroăng ki hbrâ mơdât pơreăng xuân môi tiah mơdêk ‘mâi mơnhông cheăng kâ rêh ối pơlê pơla dêi péa tơnêi têa tối tơdjuôm ƀă mâu kong pơlê tíu tơkăng kong tối krê.

Katarina Nga tơplôu ƀă tơbleăng