Kơtâu vâ chê to laia chata km ing thôn Nam Phú, cheăm Nam Đà, tơring Krông Nô, kong pơlê Dak Lak lăm a pơlê kong kơdrâm {uôn Ma Thuột vâ veăng tơlo môi iâ kơchâi drêh ăm khu ki pleăng hnoăng cheăng a Dak Lak pơtroh to\ng kum Đà Nẵng, ngoh Trần Tấn Phú tối ăm ‘nâi, ngoh ‘nâi tơdroăng kố xua châ pơchuât rơkong kơbông krếo to\ng kum kơchâi drêh tung facebook dêi mâu ngoh, nâ, o a Dak Lak.

Klêi kơ’nâi ‘nâi tơdroăng, ngoh hiăng krếo phôn tơpui [a\ mâu ngế ki kơbông krếo vâ kơ-êng troăng veăng tơlo klêi mê tơpui tơno [a\ rơpo\ng ‘măn môi sao kơchâi drêh, tung tâi tâng [a\ng deăng 7 sao kơchâi drêh dêi rơpo\ng vâ to\ng kum Đà Nẵng. Ngoh Phú tối, kơdroh 1 sao kơchâi drêh kô kơdroh pêi lo liăn dêi rơpo\ng, laga kum mâu ngế tung kơpong klâ ối kơtăn a Đà Nẵng ai tu\m kơchâi drêh vâ kâ, ai tơdjâk iâ há tung pêi lo liăn:

‘’Nôkố hngêi á ai 7 sao kơchâi drêh, á [a\ rơpo\ng á pơkâ mơ’no môi iâ tơmeăm dêi rơpo\ng vâ to\ng kum ăm Đà Nẵng [a\ mâu tíu ki hbrâ mơdât pơrea\ng râ ó. Á pói tơngah tơdroăng veăng kum dêi rơpo\ng ngin kô kum ăm rêm ngế re\ng tơkâ hluâ ki xâu xía ing pơrea\ng kố’’.

Mâu kơxuô kơchâi drêh, plâi pôm châ kuăn pơlê kơxuô krâu vâ pơtroh a Đà Nẵng

Nâ Nguyễn Thị Thái Thanh, Kăn pơkuâ Ko\ng ti pêi cheăng tiô rơnó Ban Me Green Farm (tíu pêi cheăng a pơlê kong kơdrâm {uôn Ma Thuột, kong pơlê Dak Lak) cho ngế ki teăng mâ krếo thế rêm ngế to\ng kum kơchâi drêh ăm Đà Nẵng. Nâ Thanh tối: Kơtăn kố to lâi hâi, nâ tơdah kơxo# phôn dêi môi ngế pú hmâ pơkâ thế tơku\m po veăng tơlo kơchâi drêh ăm mâu tíu pế pơchên kế kâ to\ng kum mơngế pá puât a pơlê kong kân Đà Nẵng xua hên tíu pế pơchên kơchâi kâ to\ng kum mâu kơpong klâ ối kơtăn tung pơlê kong kơdrâm dế ôh tá ai tu\m kơchâi drêh, plâi pôm. Tơmiât dêi tơná kô kâi to\ng kum iâ xua mê nâ Thanh hiăng vâ môi tuăn pêi pro hnoăng pơtroh kơchâi ăm kơpong xahpá.

Klêi kơ’nâi môi tuăn, nâ hiăng tơbleăng tơdroăng kal to\ng kum tung măng pơlê pơla Facebook vâ krếo mâu ngế ki pêt kơchâi drêh, pú hmâ, nho\ng o tung pơlê veăng tơlo kơchâi drêh vâ pơtroh a Đà Nẵng [a\ pói vâ kum kuăn pơlê kơpong ai pơrea\ng thăm mơ-eăm, hmiân tuăn hbrâ mơdât pơrea\ng. {a\ bu klêi kơ’nâi 4 chôu, nâ Thanh hiăng tơdah châ 1 ta#n 5 tă kơchâi drêh tu\m túa vâ pơtroh.

Klêi kơ’nâi 5 hâi krếo djâ, troh nôkố khu dêi nâ hiăng pơtroh troh a Đà Nẵng châ vâ chê 7 ta#n kơchâi drêh, plâi pôm [a\ kơxo# mơngế veăng tơlo kơchâi drêh ăm Đà Nẵng rêm hâi rế tâk. Ôh tá xê to mâu ngế pêt kơchâi drêh mê hên ngế kuăn pơlê kơtiê ối kơtăn tíu xiâm pơlê kong kơdrâm {uôn Ma Thuột hr^ng km xuân pơto kơchâi drêh to a pơlê kong kơdrâm vâ pơtroh ăm:

‘’Ai drêng tâ rơrêk tung hiâm mơno, hlo rêm ngế troh pơtroh kơchâi drêh, tơmiât mê tâ hơ-ui Đà Nẵng nôkố dế cho tíu xiâm klâ kơtăn môi tiah mê, rêm ngế pêi tâi hiâm mơno mê pin nếo hlo hiâm mơno pâ hơ-ui dêi pó [a\ tuăn hiâm ru\m môi tuăn dêi hdroâng mơngế pin gá ai. Tiah mê mê tơdroăng ngế ki lâi ngế ki mê pêi, hmê ngế ki lâi ngế ki mê kâ, laga drêng ai tơdroăng pá puât mê rêm ngế veăng kum dêi pó, to\ng kum troh tá tui lui. Hên ngế ối kơ-êng hôm tơdah xo nếo há, á tối pin á kô tơdah troh la lâi Đà Nẵng tơniăn mê nếo pơtê’’.

Ting tông, xoi tâ kơchâi, plâi, pôm tung rơxế vâ pơto troh a Đà Nẵng

Ai kơchâi drêh, plâi pôm vâ to\ng kum ăm Đà Nẵng, laga nâ Thanh trâm pá tung tơdroăng pơto xua tâi tâng mâu rơxế prôk a 2 kơpong ai pơrea\ng pơrá pơtê. Nâ Thanh hiăng tơpui phôn tăng lâp lu [a\ mâu rơxế to\ng kum pơto laga bu châ 100 – 200 kilô/xôh/rơxế. Ple\ng hiâm mơno dêi vâi krâ kuăn pơlê Tây Nguyên Ko\ng ti pơtroh tơmeăm ki re\ng Nhất Tín, hiăng ôh tá xêo pá puât hiăng kum:

‘’Rơxế nôkố peăng ngin hmâ to 1 măng t^ng 3 rôh mê á kô rơtế tung mâu roh rơxế pơto tơmeăm mê. Peăng khu ki to\ng kum kố tơbleăng cho kal to lâi roh rơxế prôk [a\ pơto hngăm to lâi mê á kô pơto [a\ to\ng kum tâi ivá ki Ko\ng ti chiâng kum’’.

Kô hlo khât drêng ai pơrea\ng kân rơ-iô tiah kố, tơdroăng veăng kum dêi kuăn pơlê ăm mâu ngế tung kơpong ai pơrea\ng cho tơdroăng ki kơnía. Mâu rơxế pơto kơchâi drêh, plâi pôm ki kuăn pơlê Tây Nguyên veăng kum vâ pơto troh a Đà Nẵng ôh tá xê to djâ troh ăm kuăn pơlê kơpong klâ ối kơtăn amê ai tơ’nôm kơchâi drêh tung roh kâ hmê mê ối djâ tá hiâm mơno, tơdroăng loi tơngah [a\ tơdroăng ki mơhnhôk dêi kuăn pơlê Tây Nguyên tơmiât troh ‘na Đà Nẵng.

Nam Trang chêh

Sa Ly tơplôu [a\ tơbleăng