VOV4.Xơ Đăng - Kơxo lơ 6/12, a Hngêi Kuô̆k hô̆i, Vi ƀan pơlê pơla dêi Kuô̆k hô̆i tơkŭm po roh hôp tâi tâng roh má 5 vâ séa ngăn mơ-éa tơbleăng dêi Chin phuh ‘na mâu troăng pơkâ pêi, troăng hơlâ ki phá tơ-ê, ki ôh tá tiô tiah hmâ, ki phá tung hbrâ, mơdât pơreăng COVID-19. Pôa Trần Thanh Mẫn, Kăn xiâm phŏ hnê ngăn Kuô̆k hô̆i  veăng roh hôp.

Séa ngăn mơ-éa tơbleăng dêi Chin phuh, mâu kăn teăng mâ pơkâ thế mơnhên nhên pơkâ ‘na tơdroăng mơngế ki veăng pâk pơkeăng, khăm ngăn, rak ngăn mơngế tro tâ COVID-19. A roh hôp, pôa Trần Thanh Mẫn pơkâ thế pơtối mơnhên nhên tơdroăng ki pơ’lêh dêi tơdroăng tơkêa bro Pơkâ hnê mơhno tơkŭm pơkâ mâu troăng pơkâ pêi troăng hơlâ ki phá tơ-ê, ki ôh tá tiô tiah hmâ, phá ‘na troăng hbrâ mơdât pơreăng COVID-19 phá tâ ƀă pơkâ dêi luât lơ tá hâi luât nôkố pơkâ. Pơtối séa ngăn tâi tâng troăng pơkâ pêi, troăng hơlâ châ tối tung mơ-éa Pơkâ vâ tơbleăng Vi ƀan pơkuâ Kuô̆k hô̆i.

A Sa Ly tơplôu ƀă tơbleăng