VOV4.Sêdang - Hâi lơ 21/10, pôa Nguyễn Quốc Dũng, ngế xiâm phŏ tơpui kâ tơnêi têa pin prếi kăn xiâm tơpui kâ ƀă Tơrŭm cheăng kong têa Kul hiăng môi tuăn tơkŭm po tí tăng ‘nâi tơdroăng kal kí Việt Nam – Kul rôh má 7 tiô tơdroăng ki ‘no tơdrêng ing troăng hyôh internet vâ tơpui ‘na tơrŭm cheăng pơla péa pâ, tơrŭm pơla Khu xiâm tơpui kâ ƀă mâu tơdroăng a kong têa ê, tung kơpong ki péa pâ rơtế vâ ‘nâi pleng.

A rôh tăng ‘nâi tơdroăng kal kí, péa pâ môi tuăn tơrŭm mơdêk tê mơdró, mơdêk ‘mâi mơnhông cheăng kâ klêi kơ’nâi ai pơreăng kân; mơdêk tơrŭm cheăng lêng, gak kring, mơdêk tơƀrê tung rak ngăn troăng tơkăng kong, tơdrêng amê hnối tơrŭm krá tơniăn vâ ai troăng hơlâ pơkâ tơleăng mâu hlá mơéa ăm tơtro luât ăm mơngế Kul cho xiâm rêi Việt Nam; pơtối mơdêk tơƀrê tơrŭm cheăng tung mâu kơvâ cheăng ki kal ki ê môi tiah hnê hriâm, tối tơbleăng, mơhno túa lĕm tro tơ’noăng ivá ƀă trâm mâ kuăn pơlê ƀă hên ki ê.

Katarina Nga tơplôu ƀă tơbleăng