VOV4.Sêdang - Hơnăm kố, xua têa mêi iâ mê troh nôkố, kơdró têa a mâu rơchoâ têa, long têa, hngêi kơmăi on tơhrik a kơpong Tây Nguyên [ă mâu kong pơlê ối a k^ng têa kơx^ peăng hdroh tơdế tơnêi têa xuân iâ tâ tâng vâ pơchông ngăn [ă rêm hơnăm. Tung pơla mê, tiô tối hdrối, rơnó mê hngê hơnăm kố re#ng tâi, xua tơdjâk dêi khía mơhot El Nino plong mot. Hlo ai tơdroăng mê, mâu kong pơlê tung kơpong kal athế kơd^ng têa tôh tung pơla rơnó mê hngê cho tơdroăng ki apoăng châ Khu xiâm ngăn rơchoâ long têa mơ’no tối [ă hnoăng cheăng hbrâ ví kong tô mơdrăng hơnăm 2015-2016. Khoa Điềm, ngế chêh hlá tơbeăng ai chêh tối ‘na tơdroăng mê.

            Rơnó mêi hơnăm kố ga hrá ta hơnăm nah, 9 khế kố nah, têa a mâu têa kroăng kơpong Tây Nguyên [a\ mâu kong pơlê peăng tơdế tơnêi têa chu kơdroh sap 20 troh 60% tâng pơchông [a\ rêm hơnăm. Têa a mâu rơchoâ, long têa dêi hngêi kơmăi on tơhrik hiăng siâ. A kơpong Tây Nguyên, xêo troh tâi hâi lơ 23 khế 9, têa mêi bu châ sap 65 troh 75% tâng pơchông [a\ hên hơnăm hdrối mê hía nah. Ki nhên khât ga, a kong pơlê Kon Tum ai 64%; pơlê kong kơdrâm Pleiku, kong pơlê Gia Lai 75%; {uôn Ma Thuột, kong pơlê Dak Lak 61%. Têa a mâu têa kroăng a kơpong kố xuân bu châ sap 60 troh 70%. Tiô pôa Trần Trung Thành, kăn pho\ pơkuâ ‘na pơtâng tối hyôh kong prâi kơpong Tây Nguyên tối, rơnó mêi hơnăm kố a kơpong Tây Nguyên kô re\ng tâi tâ tiah hmâ rêm hơnăm [a\ mơni kong kô tô khăng khoăng: Xua ai El Nino, mơni kong kô mêi ôh tá tro rơnó, mê cho kong mêi tung mâu rơnó tô kô iâ tâ tiah hmâ. Rơnó tô hơnăm kố tiô ngin ai péa tơdroăng ki thế tơtro\ng. Nôkố kong mêi iâ, [a\ mơni ai tíu 1 khế, ai tíu lối môi khế nếo mơgêi rơnó mêi. Xua mê rơnó xeăng tô hơnăm kố kong tô khăng khoăng ó.

Mâu rơchôa, hno têa a Tây Nguyên tíu ki lâi têa xuân hiăng siâ

            {a\ a kơpong peăng hdroh pá tơdế tơnêi têa, tiô pôa Nguyễn Văn Lý, kăn pơkuâ [ơrô pơtâng tối hyôh kong prâi kơpong peăng hdroh pá tơdế tơnêi têa tối, kong tô khăng khoăng, kô ôh tá bê têa tung mâu khế rơnó mêi: Rơnó mêi hơnăm kố hrá troh lối 1 khế. Kơxo# têa mêi, tiô ngin xuân tơdjâk xua ai El Nino, mê kong mêi sap khế 9 hơnăm 2015 troh khế 2 hơnăm 2016 a kơpong peăng hdroh pá tơdế tơnêi têa mê cho mâu kong pơlê sap Bình Định troh Bình Thuận, mơni kong mêi bu châ sap 50 troh 70% tâng pơchông [a\ hên hơnăm. Mơni kô ôh tá bê têa tung mâu khế rơnó mêi a kơpong peăng hdroh pá tơdế tơnêi têa, cho sap khế 9 troh khế 11. Rơnó mêi xuân re\ng tâi hdrối tâng pơchông [a\ hên hơnăm sap 15 troh 20 hâi.

            Nôkố, long têa a mâu kong pơlê peăng hdroh pá tơdế tơnêi têa [a\ kơpong Tây Nguyên bu châ 35,7% tâng pơchông [a\ hên hơnăm. Drêng kong tô khăng khoăng, ôh tá bê têa tôh ăm lối 310 rơpâu hectar báu klâng rơnó xeăng tôu rơtế [a\ mâu [a\ng loăng plâi ton hâi ki ê, kơchâi plâi pôm ki ê tung kơpong, kơ koan xiâm pơkuâ rơchoâ long hno têa tối, sap nôkố, mâu kong pơlê kal tăng têa [a\ thế kơd^ng têa. Pôa Nguyễn Việt Anh, kăn pho\ pơkuâ rơchoâ long hno têa [a\ rak tơniăn rơchôa long têa tối: {a\ mâu kong pơlê pơkâ thế Khu pơkuâ ‘na pêi chiâk deăng tơbleăng ăm khu kăn pơkuâ kong pơlê mơhnhôk re\ng, rơnêu rơchoâ long hno têa. Kui tah trâp, rơnêu hno têa [a\ hbrâ ví kong prâi pro hơ’lêh kông tô khăng khoăng [a\  El Nino môi tiah nôkố. Pak^ng mê sap ing kố mâu kong pơlê tôh kế tơmeăm khoăng thế kơd^ng têa. Kơd^ng têa sap nôkố. Kơdoăng têa tung rơchoâ long têa tung pơla u ối lối 1 khế rơnó mêi hơnăm 2015. Mâu kong pơlê kơdroh [a\ng klâng pêt báu, xua báu kal têa tôh hên, châ péa, pái xôh tâng pơchông [a\ kơphế.

A Sa Ly tơplôu [ă tơbleăng