VOV4.Sêdang - A kơpong Tây Nguyên, hneăng tơ’noăng râ má pái phôh thong tơnêi têa hơnăm kố hiăng châ mơnhên tối cho krâu khât, tơniăn, tơdrăng le\m, ôh tá ai ngế ki lâi pro xôi.

Hneăng tơ’noăng hơnăm kố, lâp kơpong Tây Nguyên ai lối 47 rơpâu ngế hok tro ki chêh inâi vâ veăng tơ’noăng, 3 hâi hiăng luâ hiăng ai lối rơpâu ngế hok tro ôh tá ai mâ, tung mê, a kong pơlê Dak Lak ai lối 1 rơpâu 100 ngế hok tro ôh tá tơ’noăng.

Ki hlo tơdjuôm dêi mâu hok tro a Tây Nguyên ga tiah kố, ko [ai tơ’noăng hơmăm kố ga hiăng ai mâu tơdroăng ki hiăng hriâm, tơtro [ă tơdroăng ki ai khât păng ‘nâng [ă klâ xing xoăng tơniăn ăm hnoăng cheăng. Mâu kong pơlê hiăng ai hên hnoăng cheăng ki to\ng kum ăm mâu hok tro.

Tung mê, tơdroăng ‘’Mơhnhôk rơnó tơ’noăng’’ dêi Khu pơkuâ ngăn Đoân droh rơtăm kong pơlê Dak Lak hiăng mơhnhôk rêm khu râ, kơvâ cheăng veăng tơlo châ 6 rơpâu 500 hnoăng hmê kâ ôh tá xo liăn, 10 rơpâu kong kếo têa ôu, 1 rơpâu  tíu ối pơtê ôh tá xo liăn, 15 hnoăng liăn hriâm ăm hok tro kơtiê.

A kong pơlê Dak Nông, rơtế [ă tơdroăng ki mơhnhôk hneăng tơ’noăng, mê Vi [an hnê ngăn kong pơlê Dak Nông hiăng veăng kum lối 152 rơtuh liăn ăm 346 ngế hok tro ki ai tơdroăng rêh kâ xahpá.

Nhat Lisa tơplôu [ă tơbleăng