VOV4.Xơ Đăng - Klăng leh tơbâ 110 hơnăm hâi kot mâ Đăi tươ̆ng Võ Nguyên Giáp lơ 25/8/1911 – 25/8/2021, kơmăng lơ 21/12, pôa Phạm Minh Chính, Ngế pro xiâm hnê ngăn tơnêi têa rơtế khu râ kăn teăng mâ Tơnêi têa ƀă kong pơlê Quảng Bình hiăng troh têk nhang tơbâ Đăi tươ̆ng a tíu ‘mé dêi Đăi tươ̆ng a Vũng Chùa – Đảo Yến, cheăm Quảng Đông, tơring Quảng Trạch, kong pơlê Quảng Bình.

Têk nhang tơbâ Đăi tươ̆ng Võ Nguyên Giáp

Tung tơdroăng tơkŭm po kân krip, pôa Phạm Minh Chính rơtế mâu kăn xiâm pơkuâ hiăng pleăng hơvĭng reăng, têk nhâng ƀă kon ko, mơhno hiâm mơno nhuô̆m a um xup dêi Đăi tươ̆ng Võ Nguyên Giáp, kăn xiâm dêi hdroâng mơngế, hok tro ki rơkê, achê dêi Pôa Hồ Chí Minh, Kăn xiâm hnê ngăn tơnêi têa hneăng apoăng, ngế Ngoh dêi Khu lêng kuăn pơlê Việt Nam, ngế kuăn ki rơkê dêi pơlê Quảng Bình ƀă rơtế pâ mơnê, pâ hnoăng kân kĭn dêi Đăi tươ̆ng ƀă tơdroăng pêi cheăng kăch măng ƀlêi trâng dêi Đảng ƀă hdroâng mơngế pin.

            A Sa Ly tơplôu ƀă tơbleăng