VOV4.Sêdang - A tíu pêi cheăng Chin phuh, pôa Vương Đình Huệ, Ngế cheăng tung khu xiâm kal kí, Ngế pro xiâm pho\ hnê ngăn tơnêi têa, Kăn pơkuâ hnê mơhno tíu xiâm ‘na tơdroăng ‘mâi hơ’lêh kâ liăn khế, ‘na liăn [aoh hiêm pơlê pơla [ă kum mâu ki ai hnoăng hiăng ai rôh pêi cheăng [ă pôa Ousmane Dione, Kăn xiâm pơkuâ Hngêi rak liăn lâp plâi tơnêi - WB a Việt Nam vâ tơmâng mâu tơdroăng tối i nhên, tơdroăng pâ thế tối tơbleăng dêi mâu tơdroăng tơdjâk troh ‘mâi hơ’lêh hnoăng to\ng kum kâ liăn [aoh hiêm pơlê pơla, baoh hiêm kum mâu ngế ki pơtê cheăng xua hiăng krâ.

Pôa Vương Đình Huệ, Ngế pro xiâm pho\ hnê ngăn a hneăng hôp [ă khu kăn xiâm WB

Tối mâu tơdroăng ki ối tơvâ tơvân a tơdroăng pơloăng mơnúa, khu tí tăng ‘nâi ple\ng dêi WB tối ‘na troăng hơlâ ‘mâi hơ’lêh ‘na kâ liăn hiăng pơtê xua hơnăm hiăng krâ ai 4 khu troăng hơlâ ki xiâm, pro ăm tơdroăng cheăng [aoh hiêm pơlê pơla Việt Nam rak ngăn krá ton tâ, mơhnhôk veăng pêi dêi mâu kơpong oh tá khât, mơjiâng môi khu râ liăn hơnăm hiăng krâ dêi mâu ngế vâ kơdroh tah hrâ mơnguâ, xăm kơtiê [ă chôa po rơdâ ‘na pơtê hơnăm hiăng krâ dêi mâu tíu pêi cheăng kuăn pơlê.

Khe\n kơdeăn khât WB hiăng hbrâ rơnáu tí tăng ‘nâi ple\ng troăng hơlâ to\ng kum baoh hiêm pơlê pơla a Việt Nam, pôa Vương Đình Huệ ăm ‘nâi, Chin phuh dế pê klêi tơdroăng tơkêa ‘mâi hơ’lêh [aoh hiêm pơlê pơla vâ pơtroh ăm Khu xiâm kal kí pơkâ tung Hneăng hôp Tíu xiâm má 7 la ngiâ.

Mâu tơdroăng tí tăng ‘nâi ple\ng dêi WB cho ki xiâm kal khât vâ Chin phuh Việt Nam pêi pro tro tâ tung tơbleăng mâu tơdroăng pơkâ. Ngế  pro xiâm pho\ hnê ngăn tơnêi têa pâ thế WB rơtế [ă Khu tơru\m ngăn mơngế pêi cheăng lâp plâi tơnêi (ILO) tơru\m krá tâ nếo [ă mâu kơ koan Việt Nam tung tí tăng ‘nâi kơxo# ki vâ tơbleăng mâu tơdroăng tối hdrối tro tâ nếo ăm Chin phuh Việt Nam.

Gương tơplôu [ă tơbleăng