Tung mâu hơnăm hdrối, Đảng ƀô̆, khu kăn pơkuâ ƀă vâ chê 5 rơpâu ngế kuăn pơlê cheăm tơkăng kong Ia Đal hiăng tơdjuôm ivá, môi hiâm mơno pêi pro Tơdroăng pơkâ dêi tơnêi têa mơjiâng thôn pơlê nếo ƀă hiăng pêi châ tơƀrê hên.

Cheăm hiăng mơhnhôk tơlo châ lối 49 rơtal liăn ‘no pêi cheăng rak vế mâu tơdroăng pơkâ ‘na bro mâu hngêi trăng, troăng klông; pêi lo liăn rêm ngế rêm hơnăm châ lối 43 rơtuh liăn, kơxô̆ rơpŏng kơtiê, vâ chê kơtiê kơdroh ối pá xôp 12%; tơdroăng gâk kring kal kí, rak tơniăn tung lâp pơlê pơla châ rak vế; khu pơkuâ tơdroăng kal kí châ ‘mâi mơnhông, pơkâ tŭm têk.