VOV4.Sêdang - Tíu xiâm séa ngăn hbo plêng Việt Nam, ối tung Viện Hàn lâm Khoa học và công nghệ Việt Nam ăm ‘nâi: Tiô tối tơbleăng khât dêi kơ koan ngăn ‘na Tơƀai hbo plêng Nhuk JAXA, hâi pĕng ki nếo dêi vệ tinh NanoDragon “Made in Vietnam” xua mâu khu ki hriăn plĕng khoa hok ối tung Tíu xiâm séa ngăn rơvâ plêng Việt Nam, Viện Hàn lâm Khoa học và Công nghệ Việt Nam mơjiâng pro kô cho hâi lơ 7/10 la ngiâ. Hâi pơkâ tiô tối hdrối sap ing 7 chôu 51 phut troh 7 chôu 55 phut, sap ing tíu ki pĕng cho tíu xiâm rơvâ plêng Uchinoura, Nhuk. Vệ tinh NanoDragon cho vệ tinh châ Tíu xiâm séa ngăn rơvâ plêng Việt Nam mơjiâng pro.

Tung pơla hriăn pro, kơchuâ chêh, tơkŭm, mơnúa ngăn vệ tinh xo châ pêi proa Việt Nam, xua mâu kăn ƀô̆ kih sư hriăn pro dêi Tíu xiâm séa ngăn rơvâ plêng Việt Nam. Vệ tinh NanoDragon châ pro ƀă tơdroăng ki xiâm vâ hrik xo idrâp vâ châ ‘nâi dêi mâu plong tuk, xúa ăm tơdroăng ki séa ngăn mâu plong tuk a têa kơxĭ. Kố cho vệ tinh ối tung tơdroăng mơjiâng pro Vệ tinh ki kŭn “Made in Vietnam” dêi Tíu xiâm séa ngăn rơvâ plêng Việt Nam vâ pêi pro tung la ngiâ mơnhông ƀă xúa khoa hok ƀă kong ngê̆ rơvâ plêng troh hơnăm 2030 hiăng châ Ngế pro xiâm hnê ngăn Chin phuh kĭ pơkâ a hâi lơ 4/2/2021.

Katarina Nga tơplôu ƀă tơbleăng