VOV4.Sêdang - Pơkâ pêi tâi tâng mơjiâng kơno tuk a têa kơxĭ Việt Nam rơxông 2021 – 2030 ƀă tơmiât pêi troh hơnăm 2050 nếo châ Khu xiâm pơkuâ troăng prôk ƀă rơxế kơtâu tơkŭm po tơbleăng kơxê lơ 7/10. Kố cho pơkâ hiăng châ Ngế pro xiâm hnê ngăn Chin phuh kĭ a hâi lơ 22/9/2021, ki rơhêng vâ tối pơxúa ăm tơdroăng mơnhông mơdêk cheăng kâ – rêh ối pơlê pơla. Pơkâ pêi tâi tâng mơjiâng kơno tuk a têa kơxĭ hiăng mơnhên kơno tuk cho tơmeăm ki kal dêi tơdroăng pơto tơmeăm a têa kơxĭ, tơdroăng cheăng kâ – rêh ối pơlê pơla, cho môi tung pái tơdroăng ki pêi ton xŏn tiô Pơkâ Hneăng hôp XIII dêi Đảng, kal kơjo mơ’no liăn mơjiâng tơdâng tơ’mô, tiô rơxông nếo.

Kơxô̆ liăn ăm tơdroăng mơjiâng kơno tuk rơxông kố ki hên cho mơhnhôk ing kơxô̆ liăn ki pa kong liăn ngân tơnêi têa châ troh 95% tung tâi tâng kơxô̆ 313 rơpâu rơtal liăn tơdroăng kal vâ kơxô̆ liăn mơ’no mơjiâng pro kơno tuk a têa kơxĭ.

A Sa Ly tơplôu [ă tơbleăng