VOV4.Xơ Đăng -  Hô̆i đong kong pơlê Lâm Đồng hneăng 10 hiăng pơxiâm hôp roh má 4 vâ tối mâu tơdroăng hiăng châ pêi pro mơnhông cheăng kâ - rêh ối ƀă séa ngăn, tơbleăng mâu hlá mơ-éa chêh pơtroh ăm râ kơpêng, tơdroăng pơkâ  ki kal. Ing mê, tung hlá mơ-éa tối tơbleăng  a rôh hôp, mơhé xuân ối rak ki tâk ‘na cheăng kâ kơpêng 3,1%. Tung mê krê kơvâ pêi chiâk tâk 4% ƀă tơdroăng cheăng ƀă kơmăi kơmok - mơjiâng tơmeăm khoăng tâk 5,5%. Ki tơxâng vâ tối, xo liăn ngân ăm tơnêi têa châ 10 rơpâu 620 rơtal liăn, tâk 12,7% tâng vâ pơchông ƀă hơnăm nah.

Hneăng hôp roh má 4, Hô̆i đong hnê ngăn kong pơlê Lâm Đồng hneăng 10

Laga, Lâm Đồng xuân ối 8/18 tơdroăng pơkâ cheăng kâ - rêh ối hâi châ pêi tiô pơkâ. Tơdroăng pro tơmeăm tê mơdró dêi khu mơdró trâm hên xơpá; ôm hyô chiâng hrá, kơxô̆ liăn châ xo chiâng kơdroh hên; ko kong, hdi tơnêi kong xuân ối hlo bă rế vâ châ mơdât; xuân ối ai tơdroăng xoăng ƀăng tơnêi, tê tơnêi pêi chiâk ôh tá tro tiô pơkâ a mâu cheăm tơring tung kong pơlê ƀă hía hé.

Roh hôp kố, kong pơlê tơkŭm tơpui mơnhên mâu tơdroăng ing mê vâ pơkâ mâu troăng rơhlâ ‘mâi rơnêu ƀă tăng troăng tơkâ luâ xơpá, mơnhông cheăng kâ-rêh ối ƀă pê klêi mâu pơkâ ki kal tung la ngiâ.

Gương tơplôu ƀă tơbleăng