Riân tro klăng hâi lơ 21/6 hơnăm kố, hiăng klăng 29 hơnăm ngoh Lê Văn Dũng, pêi cheăng tung Rơ’jiu um tivi tơring Sa Thầy. Pơxiâm pêi cheăng sap ing 21 hơnăm, tơdroăng rêh ối ai drêng ‘nâ mơhúa ai drêng ‘nâ khéa kho [ă hên tơdroăng ki trâm ki ôh tá tơniăn tung rêh ối, tơdroăng cheăng ki ngoh rah xo xuân cho hnoăng cheăng chêh hlá tơbeăng a Um tơvi rơ’jiu tơring.

Klêi kơ’nâi 29 hơnăm pêi cheăng, chêh xo mâu tơdroăng ki rế hía rế hơ’lêh dêi pơlê cheăm, ngoh Lê Văn Dũng sap ing ton nah hiăng cho ngế ki a chê dêi vâi krâ nho\ng o mâu thôn, pơlê [ă dêi 11 to cheăm, pơlê kân tung tơring. Ngoh Dũng tối ăm ‘nâi, tơdroăng ki sôk ro sap ing hnoăng cheăng rêm hâi cho ivá ó rơdêi vâ ngoh [ă hnoăng cheăng dêi tơná:

Tơdroăng ki sôk ro má môi á cho drêng tơdroăng ki châ tối tơbleăng dêi kuăn pơlê troh [ă Đảng, Tơnêi têa. Á cho tíu ki pro tơdjêp vâ pơtroh tuăn hiâm tơche\ng tơmiât dêi kuăn pơlê troh [ă khu kăn pơkuâ tơring, cheăm. Châ khu kăn pơkuâ pơkâ tơleăng mâu tơdroăng ki tơche\ng tơmiât ki rơhêng vâ dêi kuăn pơlê, châ kuăn pơlê môi tuăn mê á hlo ki mê cho tơdroăng ki hơniâp ro.

Tung tâi tâng mâu tơdroăng a kong pơlê Kon Tum pơrá ai tơdroăng ki veăng dêi mâu ngế ki cheăng tơpui, pơchuât a tơring. Tung mâu tơdroăng ki klêi pơchuât rêm hâi, kơnôm ing tơdroăng ki rah xo tro, mâu tơdroăng ki kal ki kuăn pơlê kal, khu kăn pơkuâ pơlê, cheăm kal vâ vâ rah chêh tơpui mơ’no tung hyôh, rơkong tơpui dêi Rơ’jiu tơring châ kuăn pơlê loi tơngah khât, hâk vâ. Pôa Nguyễn Huy Quốc, kăn pơkuâ ngăn Đảng ủy cheăm Hà Mòn, tơring Đak Hà, tối tiah kố:

Chôu pơkâ mơ’no mê mâu kuăn pơlê ối a mâu tíu lâi vâi dế pêi cheăng klâ xuân châ hmâng tơdroăng. {ă mâu tơdroăng ki tối tơbleăng ai pơxúa vâi rơhêng vâ ‘nâi ple\ng khât. Rơ’jiu tơpui a mâu tơring, cheăm gá tơ-[rê khât drêng tối tơbleăng mâu troăng hơlâ dêi Đảng, Tơnêi têa xuân môi tiah mâu troăng hơlâ pơkâ dêi tơring.

Châ kuăn pơlê [ă khu kăn pơkuâ tơring tơmâng xo, mâu ngế ki pêi hnoăng cheăng cho ngế chêh hlá tơbeăng a 10 to Rơ’jiu um tivi râ tơring dêi kong pơlê Kon Tum ôh tá la lâi pơtê mơ-eăm tơkâ luâ dêi tơná vâ tơxâng [ă tơdroăng ki loi tơngah. Pák^ng tơdroăng ki hriâm tâp xêh, mơdêk tơdroăng ki rơkê ple\ng tung hnoăng cheăng, [ă tuăn hiâm hâk vâ [ă tơdroăng cheăng [ă tơdroăng ki tơpui mơ’no, vâi hiăng tơkâ luâ hên tơdroăng ki ôh tá ai tu\m mâu tơdroăng vâ pêi klêi hnoăng cheăng pơcháu.

Ngoh Ngô Thế Quỳnh, kăn pho\ pơkuâ Rơ’jiu Um tivi tơring Đăk Hà tối ăm ‘nâi, pơla hdrối kố nah tơring pêi pro troăng hơlâ ki kơdroh bie#n che# . Sap ing 14 chôu Rơ’jiu tơring bu ối 5 ngế. Laga, ôh tá poê kơdroh mâu tơdroăng tơpui mơ’no, mê Rơ’jiu ối mơjiâng tơ’nôm mâu chuyên mục pêi pro tiô tơdroăng ki rơhêng vâ tối tơbleăng dêi kuăn pơlê:

{ă ivá mơ-eăm, hâk vâ hnoăng cheăng dêi mâu nho\ng o, Rơ’jiu xuân ối tơpui mơ’no hên tơdroăng môi tiah ton 2 tơdroăng mơ’no um, 2 rôh tơpui rơ’jiu. Nôkố 5 ngế rak vế châ kơxo# ngế [ă rôh tơpui mơ’no môi tiah mê. Pá k^ng mê, mơjiâng châ 4 tơdroăng mơ’no tung rơ’jiu. Tiu Troăng hơlâ to\ng kum mâu ngế ai hnoăng, Hơnăm ối nếo Đăk Hà pêi pro tiô rơkong Pôa Hồ hnê, Tơnêi [ă kuăn mơngế Đăk Hà, Khoa hok tơdroăng rêh ối pêi pro tiô tơdroăng ki rơhêng vâ tối tơbleăng tơdroăng kal dêi tơring.

Mơdêk ivá ó rơdêi châ rêh, pêi cheăng a tơring mê tung hên tơdroăng trâm, môi tiah têa kân lân lu, tơhnah tơhnâp tơnêi a Kon Plong, tơklâm rơxế a troăng prôk a Đăk Glei, mâu rôh ko ‘nhiê kong, on chếo kong a Sa Thầy, Ngọc Hồi [ă hên ki ê, mâu khu chêh hlá tơbeăng Rơ’jiu hmâ cho mâu ngế ki lăm troh a tíu ki ai tơdroăng ki mê.

 Rơtế [ă tơdroăng ki mơ’no tối, kum ăm hnoăng cheăng tối tơbleăng dêi tơring, mâu ngế ki pêi cheăng kố ối cho tíu ki loi tơngah to\ng kum khu chêh hlá tơbeăng mâu kơ koan chêh hlá tơbeăng pêi klêi hnoăng cheăng. Pôa Dương Tôn Bảo, kăn pho\ hnê ngăn Khu chêh hlá tơbeăng kong pơlê Kon Tum kum hên tuăn hiâm pâ mơjo drêng tối troh hnoăng cheăng [ă mâu ngế ki pêi cheăng kố:

Tiô pơkâ dêi Luât mâu Rơ’jiu, Um tivi tơring tá hâi châ mơnhên kơ koan hlá tơbeăng. Xua môi tiah lâi mê tơdroăng ki châ xo liăn pêi tơ’nôm vâ mơhnhôk [ă mâu ngế ki pêi cheăng ki kố ki hên cho ôh tá ai. Nho\ng o bu mâu ngế viên chưk xo pêi cheăng [ă kâ liăn khế. Kố cho môi tơdroăng ki xơpá ăm mâu nho\ng o pêi cheăng a tơring.

Maluâ tung tơdroăng ki ai khât vâi xuân athế pêi pro hnoăng cheăng môi tiah môi ngế chêh hlá tơbeăng. Xuân lăm troh a mâu pơlê, cheăm chêh tin, [ai. Xuân tơpui, mơ’no um, tối rơkong tơpui tối dêi Đảng, Tơnêi troh [ă kuăn pơlê.

Rơtế [ă mâu tơdroăng ki pá puât drêng chêh [ai vâ pêi klêi môi to [ai cho hlá tơbeăng, mâu ngế ki pêi hnoăng cheăng kố a tơring, cheăm a Kon Tum xuân ai mâu tơdroăng ki tơche\ng tơmiât ‘na hnoăng cheăng, tro lu\p ‘na tơdroăng ki pêi lo liăn [ă hnoăng cheăng ki lăm pêi cheăng [ă hên ki ê.

Laga, [ă tuăn hiâm hâk vâ hnoăng cheăng, vâi hiăng [ă dế mơ-eăm tơkâ luâ mâu tơdroăng ki xơpá, tơbrêi tơbrêh vâ châ rêh [ă tơdroăng ki hâk vâ ‘na hnoăng cheăng chêh hlá tơbeăng. {ă xuân cho vâ tơxâng [ă inâi ki kuăn pơlê tơring khe#n ăm cho vâi cho ‘’Khu chêh hlá tơbeăng dêi thôn, pơlê’’.

Khoa Điềm chêh

Katarina Nga tơplôu [ă tơbleăng