Troh hơnăm 2030, Quảng Nam mơ-eăm chiâng kong pơlê mơnhông tơƀrê tá tung lâp tơnêi têa; cho xiâm mơnhông mơdêk ki kal dêi kơpong tơdế tơnêi têa - Tây Nguyên. Tiô Pơkâ châ kĭ, pơkâ tâi tâng troh hơnăm 2030, kong pơlê Quảng Nam mơ-eăm vâ chiâng kong pơlê ki mơnhông tơƀrê hôm má môi tung lâp tơnêi têa, cho xiâm mơdêk ki kal dêi kơpong Tơdế tơnêi têa - Tây Nguyên, ai tơmeăm khoăng mơjiâng tơdâng tơ’mô tiô troăng tơhlâ túa nếo nôkố.

Troh hơnăm 2030, kong pơlê Quảng Nam mơ-eăm po nếo troăng tơƀai, pro tơƀrê nếo kơno tuk a têa kơxĭ, ‘na mơdó logistcs, ôm hyô, kơmăi kơmok pro ô tô, kơmăi kơmok cơ khí, hyôh on tơhrrik ki kân râ kơpong, mơjiâng xiâm hngêi kơmăi pro pơkeăng, tơmeăm pro ki kân tâ mâu tơmeăm pê lo ing chiâk deăng, silica râ xiâm tơnêi; ai hngêi trung hnê cheăng pêi râ kân tơƀrê tâ.