Ki xiâm kal vâ ‘nâi cho tơkŭm tung mâu tơdroăng ki ‘no liăn pêi cheăng tơnêi têa, troăng klông hiăng tơ’nhiê, cheăng xo tơnêi a mâu tíu ki pro tơdroăng tơkêa ki kal, nâp hên liăn hriâm apoăng hơnăm, rơtế ƀă tơdroăng pơkuâ ngăn tíu ki khăm hnĕng. Tiâ rơkong kơ-êng dêi ngế chêh hlá tơbeăng Rơ’jíu Việt Nam, pôa Trương Công Thái, Phŏ kăn hnê ngăn Vi ƀan kong pơlê ăm ‘nâi, hơnăm 2025 Dak Lak châ xoăng lối 16 rơpâu rơtal liăn, la troh mơ’nui khế 8 bu nếo ‘no tá hâi châ 40%.

Kong pơlê hiăng ai hlá mơ-éa ‘mâi pơhlêh, pơkâ thế mâu tíu pêi cheăng rĕng pêi pro klêi mơ-éa, rak tơniăn tro tơdroăng ki hiăng pro klêi pơkâ ‘no liăn tung hơnăm. Vi ƀan hnê ngăn kong pơlê tối rơdêi kô kơtăng tâ tung hnê mơhno vâ mơdêk tơdroăng pro, pêi châ tơdroăng púi vâ mơnhông cheăng kâ rêh ối pơlê pơla.