Dak Lak mơjiâng 3 khu lăm séa ngăn pro tơniăn tâi tâng kế kâ
Thứ tư, 14:00, 16/04/2025
Tơplôu: Gương/VOV Tây Nguyên
Tơplôu: Gương/VOV Tây Nguyên
VOV.Xơ Đăng - Vâ tơbleăng pêi tơƀrê “Khế pêi pro xua tơniăn kế kâ ‘’hơnăm 2025, Vi ban kong pơlê Dak Lak mơjiâng 3 khu lăm séa ngăn kơvâ cheăng, tơkŭm po lăm séa ngăn tơniăn kế kâ a mâu tơring cheăm tung kong pơlê.
Ing mê, sap hâi lơ 15/4 troh hâi lơ 15/5, mâu khu lăm séa ngăn kô séa ngăn tơdroăng pro tơniăn kế kâ a 9 tơring tung kong pơlê. Tơdroăng séa ngăn vâ mơdêk hnoăng cheăng rak vế tơnêi têa ‘na tơniăn kế kâ, teăm châ ‘nâi, mơdât ƀă tơleăng mâu ki pro xôi tung pêi pro, tê mơdró kế kâ; pakĭng mê, tối tơdroăng pêi pro Khế pêi pro a mâu cheăm, tơring, kơvâ cheăng, tíu pêi cheăng.
Ing rôh lăm séa ngăn, mâu kơ koan, khu râ pơkuâ cheăng xuân thế séa ngăn, ‘mâi rơnêu mâu tơdroăng ki ôh tá tro tung rak ngăn, thế tăng trăng rơhlâ pêi tơƀrê tơniăn kế kâ tung kong pơlê.
Viết bình luận