Dak Lak tơbleăng 4 tơdroăng cheăng ƀă kơxô̆ vâ pêi tung kăn xiâm dêi kong pơlê 2 râ
Thứ sáu, 10:00, 11/07/2025
Tơplôu: Gương/VOV Tây Nguyên
Tơplôu: Gương/VOV Tây Nguyên
VOV.Xơ Đăng - Kơxê hâi lơ 10/7, Khu hnê mơhno ‘na mơnhông khoa hok, kŏng ngê̆, pơ’lêh nếo ƀă pơ’lêh kơxô̆ kong pơlê Dak Lak tơkŭm Hôp rôh má môi, hlối tơbleăng, pơxiâm pêi 4 tơdroăng cheăng ƀă kơxô̆ tung tơdroăng pơkuâ cheăng túa kăn xiâm kong pơlê péa râ
Hneăng hôp châ po mơ’no tơdrêng tiô troăng hyôh ƀă 102 to cheăm, bêng tung lâp kong pơlê. 4 tơdroăng cheăng ƀă kơxô̆ châ tơbleăng mê cho: ‘na tơdroăng tuăn ngôa rơkê (AI) vâ kơjo kum kuăn pơlê tăng ‘nâi plĕng mâu tơdroăng, nâp hồ sơ ƀă séa ngăn ki rĕng lơ ôh dêi tơdroăng pro hlá mơ-éa;
‘Na nâp liăn tiô troăng hyôh măng: gum kuăn pơlê pêi ngăn ƀă pro hlá mơ-éa rĕng tơ’lêi; Dashboard pơkuâ tơdjuôm vâ gum tơkŭm tâi tâng, séa ngăn ƀă hlối kơjo kum pơkuâ ngăn tơdroăng cheăng sap ing râ kong pơlê troh a râ cheăm; ai troăng tơdah xo, tiâ mâu tơdroăng tối ti lâi dêi kuăn pơlê vâ klâ tiô túa, pơtroh nếo tơdroăng tối dêi kuăn pơlê, vâ tơleăng mơnhên teăm tơdrêng.
Viết bình luận