Tiô mơnhên tối dêi Vi ƀan hnê ngăn kong pơlê Dak Nông, hnoăng cheăng hơ’lêh kơxô̆ hiăng bro tơƀrê troh rêm mâu tơdroăng cheăng kâ, rêh ối pơlê pơla a kong pơlê. Troh nôkố, tâi tâng a 71 to cheăm, bêng, pơlê kân a kong pơlê hiăng châ tơdjêp cáp quang; ki hên mâu thôn, pơlê, hiăng ai hyôh 4G; 73,08% kuăn pơlê xúa internet ƀă hen ki ê. Tâi tâng mâu cheăm, tơring, khu râ, kơvâ cheăng dêi kong pơlê hiăng pơkâ chêh bro hlá mơéa ƀă mah QR-code.

Kong pơlê hiăng mơjiâng 713 to tôh kơmăi kơmok kơxô̆ râ thôn ƀă lối rơpâu ngế tơrŭm, cho khu ki hnê tối, tŏng kum kuăn pơlê xúa mâu kơmăi kơmok kum ăm tơdroăng rêh ối. Ing tơdroăng ki hơ’lêh kơxô̆, lối rơpâu kế tơmeăm pêi lo ing chiâk deăng xiâm dêi kong pơlê hiăng châ ‘măn tung tíu tê mơdró điê̆n tưh. Tâi tâng mâu khu mơdró kâ a kong pơlê hiăng chêh inâi nâp hnoăng liăn mơhá điê̆n tưh, 90% tâi tâng kơxŏ liăn nâp tơnêi têa châ riân ƀă túa ki nâp ing điê̆n tưh.