Ƀă inâi “Reăng Đà Lạt – Idrâp ro lĕm dêi mơngiơk”, Festival reăng Đà Lạt rôh má 10 – hơnăm 2024 kô po ing hâi lơ 4/12 troh tâi hâi lơ 31/12/2024, ƀă 10 tơdroăng tơkŭm po ki xiâm ƀă 12 tơdroăng ki veăng pêi pro. Tung mê, pakĭng 2 tơdroăng pơxiâm po ƀă mơgêi tơkŭm kong măng po mơđah hơdruê xuăng ngê̆ thuât koh tơdah hơnăm nếo 2025, Festival reăng Đà Lạt rôh má 10 pơtối pro chiâng tơdroăng ki lĕm xua tơnêi tơníu reăng châ mơđah a tíu ki kân rơdâ tâ tá long Xuân Hương ƀă a mâu troăng prôk tung tíu xiâm dêi Đà Lạt, ai kơphô̆ drôu vang - chế - kơphế dêi Đà Lạt, rôh po kơchô kơchâi – reăng, tơdroăng hơdruê xuăng ngê̆ thuât lâp plâi tơnêi Đà Lạt – Hàn Quốc, Carnaval troăng kơphô̆ reăng ƀă kế tơmeăm lĕm krê ƀă hên ki ê.

Festival reăng Đà Lạt rôh kố pơtối mơnhên Đà Lạt cho pơlê kong kơdrâm Festival reăng dêi Việt Nam, pơlê kong kơdrâm rơkê tung kơvâ hơdruê dêi UNESCO ƀă cho pơlê kong kơdrâm ối tung Khu 5 to pơlê kong kơdrâm Festival lĕm má môi dêi châu Á.