Tơdroăng ki kal mơhnhôk hrĭng khu tê mơdró, khu tơrŭm cheăng tung kong pơlê ƀă khu tê mơdró troh ing Quảng Tây (Sinuâ). A hneăng hôp, teăng mâ mâu khu tê mơdró Việt Nam ƀă Sinuâ hiăng tơpui tơno ‘na troăng pêi tơtêk ƀă pro tơniăn, krá kâk tơdroăng tê ngi kong têa ê tung la ngiâ.

Tung mê, mâu khu tê mơdró Việt Nam pói vâ châ tŏng gum teăm tơdrêng mâu troăng hơlâ, pơkâ tơtro kih thuât, pơkâ nếo ƀă tơdroăng ki rak tơniăn kruá lĕm kế kâ nếo ing Tơnêi têa. Tơdrêng amê ai ƀâng vâ ‘nâi tơdroăng đi đo vâ teăm tơdrêng mơjiâng pro. ‘Na peăng kong têa Sinuâ, hên khu tê mơdró tối Gia Lai kal tơtrŏng hên tâ troh tơdroăng ki tơniăn tíu mơjiâng pro tơmeăm, ki dâi lĕm tơmeăm tơdâng tơ’mô ƀă ivá uâ pro trâu hơngế vâ mơdêk ki kơnâ.

A roh hôp, rêm pâ môi tuăn ‘na tơdroăng kal mơjiâng mâu ƀâng tơdjêp tơdrêng, kơdroh khu cheăng tung dế, tơdrêng amê mơdêk tơrŭm cheăng tung kơpong logistics. A roh hôp, hiăng ai 7 mơ-éa chôu vế tơrŭm cheăng châ kĭ tơkêa pơla khu tê mơdró Gia Lai ƀă khu tê mơdró kong têa Sinuâ.