Hdrối nah, kong pơlê ăm phêp 16 khu tê mơdró pêi pro 44 tơdroăng tơkêa bro ƀă tâi tâng ƀăng deăng lối 25.500 ha. Laga, troh nôkố bu dâng 7.900 ha (dâng 1/3) mơnhông tiah hmâ, ki hên cho ƀăng deăng ki u ối cho loăng ki hiăng hlâ lơ ôh tá dâi lĕm. Hên khu tê mơdró pơkâ pơhlêh ƀăng ki ôh tá châ tơƀrê pơhlêh pêt, păn mơnăn mơnôa laga trâm pá ‘na pro mơ-éa ƀă hnoăng cheăng pêt kong ki teăng pơhlê amê.

Kăn hnê ngăn kong pơlê Gia Lai pơcháu Khu pơkuâ ‘na pêi chiâk deăng ƀă Kong prâi tơrŭm ƀă mâu kơvâ ki tơdjâk mơnhên khu tơnêi, pêi lo châ hên lơ iâ, xiâm kối ki ôh tá châ tơƀrê ƀă pơkâ troăng pơhlêh tơtro pơkâ pêi, châ tơƀrê cheăng kâ. Tơdrêng amê, kal pơkâ ƀăng tơnêi mơdrếo ăm kong pơlê, kum tơleăng tơdroăng ôh tá bê tơnêi pêt mơjiâng tơmeăm ăm kuăn pơlê hdroâng kuăn ngo.