Kố cho tơdroăng ki kal vâ pêi pro troăng hơlâ rah xo bro lế lĕm tro khu pêi cheăng tơnêi têa dêi Tơnêi têa. Tơdroăng tơmâng xo rơkong tơpui tối dêi tơkŭm po ƀeăn ƀĕng rơkê, ing hôp pơlê pơla troh xing xoăng phiu a hngêi, tơniăn tŭm tâi tâng ƀă tơdrăng lĕm. A pơlê Ia Nueng, cheăm Biển Hồ (pơlê kong kơdrâm Pleiku), kuăn pơlê thăm veăng tơpui tơno.

Kuăn pơlê tối môi tuăn ƀă troăng po rơdâ cheăm Biển Hồ, tơdrêng amê pơkâ thế thăm rah xo kăn ƀô̆ hdroâng kuăn ngo tung kơvâ hnê arak luât vâ tŏng gum kuăn pơlê klêi kơ’nâi tơmot chiâng môi. Tung pơla kố nah, khu râ kăn pơkuâ hiăng hbrâ pơtâng tối, tơbleăng tơdroăng tơkêa bro ƀă tơkŭm po tĕm tơbleăng rơdâ.

Hdrối mê, Khu pơkuâ Đảng ƀô̆ kong pơlê hiăng môi tuăn troăng hơlâ kơdroh sap ing 218 chu u ối 77 kơ koan cheăng râ cheăm. Klêi kơ’nâi tơmâng xo rơkong tơpui, Vi ƀan cheăm kô tơbleăng tâi tâng pơtroh râ kơpêng séa ngăn pơkâ.