Tơdroăng ki chêl thiê̆n, xo tơnêi pơtối cho tơdroăng pá ki kân má môi drêng tơdroăng ki mơnhên yă tơnêi ton, hlá mơéa chêh pro gá pá pro hên tơdroăng tơkêa bro chiâng hrá. Kong pơlê mơni kô trâm mâu kơdroh liăn nâp sap ing liăn ki xúa tơnêi a kơpong peăng mâ hâi Lâ, tơdjâk troh tơdroăng ki xing xoăng liăn ăm hơnăm 2025. Rơtế amê, a hên cheăm, bêng ki nếo klêi kơ’nâi ‘mot tơkŭm tíu pêi cheăng tá hâi ai tŭm mâu ngế pêi cheăng, tá hâi ai tŭm mâu troăng hơlâ luât vâ tơdah lơ pơkuâ pêi tơdroăng tơkêa.

Hơnăm 2026, kong pơlê Gia Lai pơkâ ‘no tâi tâng kơxô̆ liăn pơcháu. Pôa Thái Đại Ngọc – Kăn pơkuâ ngăn Đảng ủi, Kăn hnê ngăn Hô̆i đong kong pơlê Gia Lai, pơkâ thế mâu kơvâ cheăng, rêm râ ai troăng hơlâ pêi pro nhên vâ tŏng gum mâu tơdroăng ki xơpá, pro tơniăn hlâu ƀă mơhnhôk veăng tơlo mâu kơxô̆ liăn ‘no pêi cheăng gum ăm mơnhông cheăng kâ rêh ối pơlê pơla.