Kố cho hneăng hôp má mơ’nui dêi hneăng Kuô̆k hô̆i hneăng má 15. Hneăng hôp roh kố hiăng pêi pro mâu tơdroăng cheăng kân, tah lôi hên ‘’tíu ki pro pá’’ ‘na tơdroăng pơkâ, mơjiâng xiâm rêi luât gum mơnhông hneăng hơnăm 2025 – 2030. Mê cho mơnhên dêi hên kăn teăng mâ peăng Kuô̆k hô̆i.

Tung pơla tơdroăng tung tơnêi têa ƀă lâp plâi tơnêi ai hên tơdroăng pơhlêh nếo, Kuô̆k hô̆i hneăng má 15 hiăng mơhno hiêm mơno khên tơnôu, rak ƀă mơnhên hnoăng tung tơdroăng kêi đeăng pơkâ peie ƀă pơkâ mơjiâng vâ mơnhông mơdêk; đi đo mơdêk tơdroăng séa ngăn vâ djâ mâu pơkâ djâ tơdroăng pêi cheăng ton xŏn ƀă tơdroăng mơnhông mơdêk dêi tơnêi têa. Hneăng hôp kố hiăng mơjiâng hên luât djâ tơdroăng xiâm kối ki gum ăm Chin phuh hneăng la ngiâ tơ’lêi hlâu tung tơdroăng pêi pro pơkâ tơtêk ƀă pơkâ mơnhông tơnêi têa.