Mâu kăn tơkŭm tơpui mâu tơdroăng tăng ‘nâi plĕng ƀă túa pêi cheăng tung xúa um vệ tinh, tơdroăng cheăng ‘măn tung kơmăi quan trắc hyôh kong prâi, tung lơ gât kơxô̆ ƀă tuăn ngôa rơkê kuăn mơngế pro tung tăng ngăn ‘na tơmeăm khoăng têa.

Ing tơdroăng tối nhên mâu kơxô̆ ki ‘na ki tô téa, ki hngiâm kơchoh tung tơnêi, têa mêi, kơdró têa a long ai chêh hdró tung kơxô̆, mâu kơ koan cheăng tối tơbleăng kô rĕng tơbleăng ăm ‘nâi kong kô tô têa, ôh tá ai têa tiô tơrêm kơpong.

Kŏng ngê̆ tí  tăng ngăn  ƀă mâu troăng hơlâ hriăn plĕng ki nếo, xúa tơdroăng chêh tung kơmăi vâ tối nhên ki tơ’lei kô tơbleăng hdrối tơtro kô gum kơ koan rak ngăn Xiâm tơnêi têa ƀă kong pơlê mơjiâng tơdroăng séa ngăn, tối hdrối kong kô tô, ôh tá ai têa ăm pêi klâng chiâk tiô troăng hbrâ hdrối ƀă tơdrăng, veăng kơdroh iâ ki ôh tá ai têa ƀă mơnhông pêi chiâk krá ton.

Tơdroăng xua kơmăi kơmok tí tăng ngăn tơrŭm ƀă pơ’lêh kơxô̆ tung tơdroăng rak ngăn rơchôa ƀă troăng hơlâ ki xiâm kum mơdêk ivá rak ngăn, mơ’no têa kơdĭng xiâm têa, mơ’no a long têa tiô hai khế, mơdêk ki pơxúa tung toh têa ƀă hbrâ ví kong prâi pro ôh tá tơniăn.