Xông tơpui a hneăng hôp, pôa Phạm Minh Chính, Ngế pro xiâm hnê ngăn Chin phuh tối rơdêi tơdroăng mơdêk tơdroăng ki tối hdrối, tơbleăng ‘na mâu tơdroăng mơnhâu kring tơniăn ôh tá xê xua tơplâ tơplong; ai hriăn plĕng apoăng, ‘nâi nhên tơdroăng, ing mê djâ troăng pêi tơtro. Tung la ngiâ, Ngế pro xiâm hnê ngăn tơnêi têa pơkâ thế mơdêk hlê plĕng ‘na mâu tơdroăng mơnhâu kring tơniăn ôh tá xê xua tơplâ tơplong; pơtâng tối, hnê hriâm, kơnó ‘na mâu tơdroăng mơnhâu kring tơniăn ôh tá xê xua tơplâ tơplong.

Ngế pro xiâm hnê ngăn tơnêi têa pơkâ thế Khu xiâm kŏng an tơtrŏng hnê tơ’nôm, mơdêk ivá ăm khu kăn ƀô̆ veăng hbrâ, mơdât mâu tơdroăng mơnhâu kring tơniăn ôh tá xê xua tơplâ tơplong; thâ tơrŭm ƀă mâu khu xiâm, kơvâ mơjiâng tơmeăm ƀă tơbleăng pơkâ pêi troăng pêi cheăng ton xŏn tâi tâng gâk kring tơnêi têa hbrâ ví, mơdât ƀă mâu tơdroăng mơnhâu kring tơniăn ôh tá xê xua tơplâ tơplong troh hơnăm 2030, tơmiât troh hơnăm 2045.