A hneăng hôp rôh kố, péa pâ xuân tơbleăng ƀă tơpui ‘na mâu hnoăng hiăng châ pêi pro ing hneăng hôp Ngế xiâm rôh má 17, hôp a Hà Nội a Việt Nam, ing khế 8.2023 troh nôkố, mê cho: tơdroăng mơjiâng Pơkâ mơnhông tơƀrê tơrŭm cheăng kâ ngiât - cheăng kâ kơxô̆; tơdroăng tơrŭm cheăng tung kơvâ pơ’lêh nếo hriăn plĕng ki nếo.
Ing hneăng hôp kố, Ngế xiâm ‘na tơdjêp cheăng kâ dêi Việt Nam - Singapore rôh má 18, Việt Nam hiăng mơhno mâu troăng hơlâ ƀă tơdroăng tơmâng khât tung tơrŭm cheăng ƀă Singapore vâ pro trâu tâ nếo tơrŭm cheăng pơla péa tơnêi têa; pơkâ thế peăng Singapore mơ-eăm tơrŭm tơbleăng, pêi mâu tơdroăng hriăn plĕng tung tơdroăng kĭ tơhrâ tơdjêp; mơhnhôk mâu khu mơdró dêi Singapore tơbleăng mâu pơkâ tơrŭm cheăng ki nếp mơdêk ‘no liăn cheăng a Việt Nam.
Viết bình luận