Kon Tum tơ’noăng rak vế gâk kring, tơniăn a cheăm pơlê
Thứ sáu, 08:05, 20/09/2024
Tơplôu: Katarina Nga/VOV Tây Nguyên
Tơplôu: Katarina Nga/VOV Tây Nguyên
VOV4.Xơ Đăng - Ƀă inâi “Khu lêng ki nếo, ivá nếo, tơ’noăng rak vế kring tơniăn a pơlê cheăm tung tơdroăng nôkố”, kơxo lơ 19/9, a pơlê kong kơdrâm Kon Tum, Vi ƀan hnê ngăn kong pơlê Kon Tum po leh tơbleăng tơdroăng tơ’noăng tung khu lêng veăng rak vế kring tơniăn a pơlê cheăm.
Tơpui a leh tơbleăng, pôa Lê Ngọc Tuấn, Kăn hnê ngăn Vi ƀan kong pơlê Kon Tum pơkâ thế ngế pơkuâ mâu kơ koan, tíu pêi cheăng, tơring, cheăm mơdêk hiâm mơno pôu râng hnoăng cheăng, tơkŭm pơkuâ, hnê mơhno ƀă tơbleăng pêi pro tơdroăng tơ’noăng rak vế tơƀrê, ai pơxúa, pôi tá mơhno to pa kong luâ râ, kal athế pêi tiô tơdroăng ki tơná vâ.
Ki xiâm dêi tơdroăng tơ’noăng kố athế châ tơbleăng trâu hơngế, rơkê, tro ƀă tơdroăng pơkâ hnoăng cheăng kal kí, tơniăn a cheăm pơlê kal séa ngăn kơtăng, kơtăng tung pơkuâ, pêi pro tơdrêng tŭm têk dêi râ Đảng, tơdroăng pơkuâ ngăn dêi kăn pơkuâ ƀă hnê mơhno ‘na hnoăng cheăng dêi khu lêng kŏng an.
Viết bình luận