Kơxo hâi lơ 18/9, Khu xiâm kal kí hiăng hôp tơpui ‘na Tơdroăng tơkêa bro troăng hơlâ mơ’no liăn cheăng troăng rơxế lơtreng kơtâu têi troăng Peăng Kơnhŏng – Peăng Hdroh tơnêi têa, klêi kơ’nâi tơmâng Khu pơkuâ Đảng Khu xiâm pơkuâ rak tơniăn troăng klông ƀă rơxế kơtâu tơbleăng Mơ-éa tơbleăng troăng hơlâ mơ’no liăn pro troăng rơxế lơtreng kơtâu têi Peăng Kơnhŏng – Peăng Hdroh Tơnêi têa ƀă tơpui dêi mâu kơ koan, Khu xiâm kal kí hiăng tơpui tơno ƀă mơgêi kố cho troăng rơxế lơtreng ki kal vâ tơxâng tơdroăng kal vâ pơto tơmeăm, veăng gum tung tơdroăng pơto tơmối, tơmeăm khoăng troăng Peăng Kơnhŏng tơnêi têa – Peăng Hdroh tŭm má môi, krá tơniăn, tơdroăng ki vâ chiâng pêi pro, tơdroăng mơhnhôk ăm mơnhông cheăng kâ – rêh ối pơlê pơla, tơniăn gâk kring tơnêi têa, gâk kring tơniăn, kum pêi pro mâu troăng hơlâ, mơnhên troăng prôk la ngiâ dêi Đảng ‘na mơ’no liăn cheăng mơjiâng troăng klông tung Troăng pêi ton xŏn mơnhông tơnêi têa tiô Pơkâ Hneăng hôp XIII dêi Đảng ƀă pêi pro mâu pơkâ tơnêi têa.

Khu xiâm kal kí môi tuăn pâ tơpui tối dêi Khu xiâm pơkuâ Đảng tơbleăng ăm pêi pro troăng hơlâ mơ’no liăn pro troăng rơxế lơtreng kơtâu têi Peăng Kơnhŏng – Peăng Hdroh tơnêi têa ahdrối Chin phuh tơbleăng Kuô̆k hô̆i a Hneăng hôp má 8, Kuô̆k hô̆i hneăng má XV.