Tiô jâ Nông Thị Thu, Kăn phŏ hnê ngăn Vi ƀan Măt trâ̆n Tơnêi têa Việt Nam kong pơlê Dak Lak, mâu hâi hiăng hluâ, hiâm mơno tŏng gum dêi pó “Rak ngăn, gum dêi pó drêng pá puât, trâm xía vâ” hiăng troh lâp lu pơlê pơla tung kong pơlê. Ing mâu vâi o ối kŭn xo dêi liăn ki kơdĭng tung chu meăn ƀă tơnêi hneăn, mâu jâ pôa xúa liăn kơdĭng vâ tŏng gum kuăn pơlê kơpong têa lân lu.

Riân troh nôkố, Măt trâ̆n Tơnêi têa Việt Nam kong pơlê Dak Lak hiăng tơdah tâi tâng kơxô̆ liăn lối 16,3 rơtal liăn. Rơtế a mê, hiăng ai dâng 50 khu rơxế ing Dak Lak tơdrêng djâ tơmeăm tŏng gum troh Peăng Kơnhŏng tơnêi têa ƀă tâi tâng kơnâ lối 9 rơtal liăn.