Po ngăn mâu tơdroăng ki nếo vâ pêi tơdroăng châ mơnhên OCOP tơƀrê ƀă krá kak, kố cho tơdroăng tơpui a hneăng hôp hnê ăm rêm cheăm môi tơmeăm OCOP troh râ pơkuâ hnê ngăn Đảng, mâu kăn, khu teăng mâ mâu mơdró, khu pêi cheăng tơrŭm, tôh pêi cheăng tơrŭm, ngế pơkuâ kơdrum deăng ƀă mâu rơpŏng pêi cheăng kâ tung kong pơlê Dak Lak tơkŭm po hâi lơ 19/9.

Lâp tung kong pơlê Dak Lak nôkố ai 240 tơmeăm OCOP châ sap 3- 4 hơlŏng. Mâu tơmeăm xuân mơdêk ki tơƀrê châ mơnhên 5 hơlŏng (râ tơnêi têa) veăng châ tê a kơchơ lâp plâi tơnêi môi tiah kơphế, kơxu, ca cao, mắc-ca. Pôa Nguyễn Hoài Dương, Ngế pơkuâ ngăn ‘na chiâk deăng ƀă mơnhông thôn pơlê Dak Lak, ăm ‘nâi, kố cho rôh vâ râ Đảng, mâu kăn, khu râ, teăng mâ mâu mơdró, khu pêi cheăng tơrŭm, tôh pêi cheăng tơrŭm, pơkuâ kơdrum deăng ƀă mâu rơpŏng pêi chiâk tung kong pơlê po ngăn mâu tơdroăng ki nếo, pêi tơdroăng OCOP ai pơxúa tơbrê.