Vi ƀan Cheăng kâ Kuô̆k hô̆i hiăng pêi cheăng ƀă mâu kong pơlê, pơlê kong kơdrâm: Khánh Hòa, Ninh Thuận, Bình Thuận, Đồng Nai ƀă Pơlê kong kân Hồ Chí Minh. A roh pêi cheăng, mâu kăn teăng mâ môi tuăn tơdroăng pêi pro tơdroăng tơkêa bro mơ’no liăn mơjiâng pro troăng rơxế lơtreng a ‘ngêi troăng kân Peăng Kơnhŏng – Peăng Hdroh tơnêi têa xŏn dâng 1.540 km; prôk tơkâ hluâ 20 kong pơlê, pơlê kong kơdrâm.

Tơdroăng tơkêa bro mơjiâng nếo troăng rơxế lơtreng tơpéa to troăng, pro ăm chiâng kơtâu 350 km/chôu. Apoăng tơdroăng xúa tơnêi lối 10.800 hectar, tâi tâng kơlo lăn mơjiâng pro dâng lối 1,7 rơtuh rơtal. Tiô tối hdrối, troăng kân kô châ kĭ troăng hơlâ mơ’no liăn cheăng tung pái khế mơ’nui hơnăm kố; pơxiâm mơjiâng pro tung hơnăm 2027; mơ-eăm kêi đeăng mơjiâng tung hơnăm 2035.