Hneăng hôp châ tơkŭm po tiô tơdroăng mơ’no tơdrêng tơkŭm hôp tơdrêng tiô troăng troh troh lối 1.140 tíu ki po hôp dêi mâu Đảng ủy xiâm, ƀă lối 12.500 ngế đảng viên veăng hôp. A rôh hôp, pôa Trần Thanh Trường, Ngế pơkuâ khu ngăn tơkŭm po, ‘na luât, Khu tơkŭm po dêi Tíu xiâm hiăng hnê tối mâu tơdroăng kal dêi tơdroăng Pơkâ kơxô̆ 294 hnối hnê mơhno pêi pro tiô kơxô̆ 06.

Môi tung mâu tíu vâ tối ki kân cho xing xoăng tơdroăng tơkŭm dêi Đảng tiô tíu pêi cheăng dêi mâu kăn 2 râ (kong pơlê ƀă cheăm) tah lối râ tơring, tơtro ƀă tơdroăng xing xoăng pro rế lĕm tíu pêi cheăng dêi tơnêi têa, Tíu xiâm xuân tơ’nôm luât mơnúa pêi, môi tiah mơjiâng Đảng ƀô̆ cheăm, bêng dêi râ kong pơlê, pơlê kong kơdrâm; pơkâ nhên ‘na tơdroăng tơkŭm cheăng Đảng a mâu kơpong; hlối ‘mâi hơ’lêh, tah ‘nâ mâu tơdroăng ki lối hên vâ tơniăn chêh ‘nâng ‘nâi rah tơdroăng ki kal, tơlêi pêi pro.