Tung pơla kố nah, kong pơlê Gia Lai hiăng thăm veăng mơjiâng pro luât ƀă pêi pro hên troăng tung kơvâ kơjo môi tiah pêi chiâk deăng, hnê hriâm, khăm pơlât, ôm hyô ƀă liăn ngân. Hên khu tê mơdró hiăng xúa mâu kŏng ngê̆ tung pêi cheăng môi tiah chêh hnoăng liăn mơhá điê̆n tưh, hlá đơn điê̆n tưh ƀă chêl liăn ôh tá ƀă liăn mâ. Mâu tơmeăm pêi lo ing chiâk deăng, OCOP dêi kong pơlê hiăng ai mâ a mâu tíu tê mơdró điê̆n tưh...

A hneăng hôp tơpui tơno, mâu kăn teăng mâ hiăng tơpui tơno ‘na mâu tơdroăng tơdjâk troh tơdroăng ai nôkố ƀă tơdroăng kal vâ tơmeăm, troăng pêi kŏng ngê̆ kơxô̆ tung mơnhông kơvâ kơjo dêi kong pơlê Gia Lai; tơdroăng kal vâ pơhlêh xúa kŏng ngê̆ dêi khu tê mơdró kŭn ƀă krâ kơvâ; tơmeăm kios khăm pơlât rơkê; pơhlêh xúa kŏng ngê̆ tơdjêp ki kơnâ tơmeăm pêi lo ing chiâk deăng.