Drêng vâ chê troh leh tơbâ Hâi thái cô Việt Nam, kơxo lơ 15/11, jâ Võ Thị Ánh Xuân, Kăn xiâm phŏ hnê ngăn tơnêi têa hiăng troh lăm pôu, hbru tơmeăm inâi khên tơnôu ăm Nha yăo Nhân yân Nguyễn Đức Thìn, a bêng Đình Bảng, pơlê kong kơdrâm Từ Sơn, kong pơlê Bắc Ninh. Ôh tá xê to thái ki kơhnâ, pleăng tâi hnoăng cheăng tơná ăm tơdroăng hnê hriâm. Thái Nguyễn Đức Thìn cho ngế ki apoăng tung tơdroăng hnê, tung mê, ki tơƀrê má môi cho tơdroăng “Rơpâu tơdroăng cheăng pêi lĕm tro’’.

Mơhé hiăng luâ 80 hơnăm la Thái Nguyễn Đức Thìn xuân ối hâk vâ ƀă tơdroăng cheăng tơná, mâu hlá mơ-éa hơ’muăn, mâu ƀai thơ chêh dêi thái hiăng hnê ăm hên rơxông mâu thái cô hriâm tâp ƀă pêi pro ƀối. Kăn xiâm phŏ hnê ngăn kong têa kố tối, púi vâ Thái Nguyễn Đức Thìn pơtối ‘no hnoăng ăm tơdroăng hnê hriâm tơnêi têa; pakĭng mê, pơkâ thế kơvâ cheăng hnê hriâm kong pơlê Bắc Ninh pơtối châ pơ-eăng inâi thái Nguyễn Đức Thìn vâ hnê ăm mâu thái cô ki ai hiâm mơno lĕm, hâk vâ khât ƀă tơdroăng cheăng tơná.