Jâ Võ Thị Ánh Xuân, Kăn xiâm phŏ hnê ngăn tơnêi têa rơtế ƀă 200 ngế kăn lo ing 10 to kong têa tung ASEAN veăng hôp. Tung mâu hơnăm achê kố, hên kong têa tung khu Tơrŭm dêi mâu lêng hneăng hdrối ASEAN  hiăng pêi pro mâu tơdroăng châ tơƀrê kum mâu lêng hneăng hdrối pêi cheăng kâ, kâi xut tah kơklêa, xăm kơtiê, mơ-eăm mơnhông pro kro mơdrŏng tro tiô luât.

Hneăng hôp mâu Khu mơdró dêi Liên đoân mâu lêng hneăng hdrối ASEAN pơxiâm mơjiâng ing tơdroăng kal vâ mơdêk tơrŭm cheăng tê mơdró pro rôh ki châ tơdjêp tơrŭm pơla mâu khu mơdró mâu lêng hneăng hdrối tung kơpong ASEAN, tơhrâ kô pro pơxúa mâu rôh ki nếo ăm mâu khu mơdró dêi lêng hneăng hdrối tung tơdroăng po kơchơ mơdró  ƀă mơdêk tơdjêp. Hneăng hôp mâu khu mơdró dêi lêng hneăng hdrối  ASEAN tơngah. Kô po hên rôh tơrŭm cheăng ƀă ki nếo, kum mơnhông tơdroăng rêh ối mâu lêng hneăng hdrối ƀă rơpŏng hngêi dêi vâi, hlối veăng ‘no hnoăng a tơdroăng veăng mơnhông cheăng kâ dêi mâu kong têa tung khu ASEAN.