Hneăng hôp tơpui ‘na 3 khu tơdroăng, cho: Xúa kơmăi kơmok vâ po rơdâ, mơnhông ƀă kring vế khu mơdró nếo nôkố; pơtối ‘mâi mơnhông khu mơdró; po rơdâ tơdjêp ƀă “Rơtế pêi ƀă mơnhông mơdêk’’.

Tơbleăng a hneăng hôp, jâ Võ Thị Ánh Xuân púi vâ mâu ngế rơkê ‘na cheăng kâ, mâu khu pơkâ luât, khu mơdró vâi kơdrâi dêi mâu kong têa ASEAN kô rơtế ƀă dêi rơpó tơbleăng mâu tơdroăng hriăn plĕng ki nếo ƀă tối ki pơxúa, vâ pro tơ’lêi hlâu ăm khu mơdró kơdrâi, khu mơdró xua mâu kơdrâi pro xiâm tăng liăn mơnhông cheăng tơƀrê.