Jâ Võ Thị Ánh Xuân, Kăn hnê ngăn Tíu xiâm Đảng, Phŏ kăn xiâm hnê ngăn tơnêi têa veăng leh pơxiâm po. A rôh leh, mâu kăn châ tơmâng jâ Nguyễn Thị Doan, Phŏ kăn xiâm hnê ngăn tơnêi têa, Kăn hnê ngăn Tíu xiâm mơhnhôk hriâm Việt Nam hneăng hdrối tối tơdroăng ‘na mơhnhôk hriâm ki lĕm tro: Pơchuât vâ pơ’lêh tuăn tơmiât, hriâm mơ-eăm mơnhông tơná tung chal pêi cheăng  ƀă kơxô̆ pêi cheăng pơxúa ăm kuăn pơlê vâ mơdêk hlê plĕng, mơhno troăng hơlâ ăm kăn ƀô̆, mâu lêng ‘na ki pơxúa dêi tơdroăng pơchuât, hriâm vâ mot tung tuăn ngôa kuăn mơngế tơdroăng ki rơkê tung pơla mâu hơnăm nôkố.

Tung rôh lêh, jâ Võ Thị Ánh Xuân, Phŏ kăn xiâm hnê ngăn tơnêi têa rơtế ƀă mâu kăn hiăng pôe ché pơxiâm po leh Hâi hlá mơ-éa ƀă Túa lĕm tro tung Kŏng an kuăn pơlê ƀă pơxá: “Kŏng an kuăn pơlê tiô rơkong Pôa Hồ hnê - Hơ’lêh nếo tuăn tung tơdroăng tơmiât vâ rơkê- Mơdêk ăm rế rơkê - xua Đảng, xua kuăn pơlê”.