Dế to rơxế lơtreng kơtâu têi, kăn hnê ngăn khu mơdró Sinuâ ngăn ‘na pro troăng rơxế lơtreng Sinuâ hiăng tối tơbleăng rĕng ăm pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa ‘na tơdroăng ki mơnhông tơƀrê dêi kơvâ pro troăng rơxế lơtreng Sinuâ. Ing mê, troăng rơxế lơtreng dế kơtâu mê dêi Sinuâ xŏn 165.000 km. Tung mê, troăng rơxế lơtreng kơtâu têi dâng 54.000 km, ối má môi lâp plâi tơnêi ƀă lối 70% tung tâi tâng ki xŏn  dêi troăng rơxế lơtreng lâp plâi tơnêi.

Tối ki lĕm tơviah mâ ‘na tơdroăng mơnhông tơƀrê troăng rơxế lơ treng kơtâu têi dêi Sinuâ, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa púi vâ 2 tơnêi têa mơdêk tơrŭm pơtối pro troăng prôk, tá troăng rơxế lơtreng, xua vâ mơnhông ngiât lĕm ƀă pêi cheăng châ tơbrê dêi tơnêi têa. Pôa pơkâ thế, kăn hnê ngăn pro troăng rơxế lơtreng ƀă khu mơdró kâ Sinuâ tối ăm ‘nâi túa pêi cheăng hlối veăng kơjo kum, veăng rơtế ƀă Việt Nam tung mơjiâng pro, pơcháu xúa kŏng ngê̆ ăm mâu tơdroăng tơkêa bro troăng rơxế lơtreng ki kal a Việt Nam.