Xông tơpui a Leh pơxiâm po, jâ Tulia Ackson, Kăn xiâm hnê ngăn IPU tối tô tuăn ‘na tơdroăng ôh tá tơdâng tơ’mô rế hía rế tâk, xuân môi tiah tơbleăng râ ó ‘na tơdroăng kong prâi pro ôh tá tơniăn ƀă mâu tơdroăng ki tơdjâk ton xŏn ƀă tơdroăng la ngiâ kuăn mơngế.

Jâ mơnhên hnoăng tíu xiâm dêi Kuô̆k hô̆i râ má môi tung mơjiâng môi tuăn, tơpui djâ troăng hơlâ ƀă mơnhên mâu troăng pêi lâp plâi tơnêi, tơdrêng amê kơbông krếo mâu kăn Kuô̆k hô̆i râ má môi kal mơnhên pái troăng prôk la ngiâ ki kal, mê cho: mơdêk tơdroăng ki tâi tâng, mơ-eăm tơpui tơno ƀă pêi pro ƀă troăng pêi la ngiâ ton xŏn xua mâu rơxông la ngiâ, ing mê pro krá tơniăn chuh ngiah hên troăng ƀă Khu lâp kong têa rak hnoăng tíu xiâm. Hneăng hôp rơtế IPU-152 kô hôp sap hâi lơ 15 – 19/4. Tiô tơdroăng, pôa Trần Thanh Mẫn, Kăn xiâm hnê ngăn Kuô̆k hô̆i kô ai ƀai xông tơpui ki kal a Roh hôp tơpui tơno tơdjuôm.