Pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa tơdah Kăn xiâm hnê ngăn Đảng Quảng Tây - Sinuâ
Thứ sáu, 10:00, 17/04/2026
Tơplôu: Gương/VOV
Tơplôu: Gương/VOV
VOV.Xơ Đăng - Kơmăng hâi lơ 16/4, a pơlê kong kơdrâm Nam Ninh, Kơpong pơkuâ dêi kuăn ngo Choang Quảng Tây, Sinuâ, tung rôh râ kăn xiâm tơnêi têa lăm pôu Sinuâ, pôa Tô Lâm, Kăn xiâm pơkuâ hnê ngăn Đảng hiăng tơdah pôa Trần Cương, Ngế cheăng tung tíu xiâm Đảng Kŏng sản Sinuâ, Kăn hnê ngăn Đảng ủi, Ngế pơkuâ Vi ƀan pơkuâ cheăng hneăng Hôp kân nâu kuăn pơlê Kơpong pơkuâ dêi kuăn ngo Choang Quảng Tây.
A rôh tơdah, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa púi vâ Quảng Tây pơtối tơrŭm krá, xúa ki pơxúa ‘na tơnêi tíu, achê, pơtối rak hnoăng cheăng ki djâ troăng a hdrối, pêi tơƀrê tung tơdroăng tơrŭm cheăng ƀă mâu kong pơlê dêi Việt Nam.
Tối nhên Việt Nam cho kong têa ki achê, hmâ, tơrŭm kal má môi dêi Quảng Tây, pôa Trần Cương, mâu kăn Kơpong pơkuâ dêi Quảng Tây malối lối tơrŭm cheăng ƀă tơrŭm bă mâu kong pơlê dêi Việt Nam; pơtối djâ troăng ahdrối tơmâng hnê pêi, pêi tro tŭm tơdroăng, pơxúa hlê tơdjuôm ki kal pơla mâu kăn xiâm péa Đảng, péa tơnêi têa, veăng pro trâu lĕm trâm mâ tơpui tơno, tơrŭm cheăng krá pơla Sinuâ ƀă Việt Nam.
Viết bình luận