Phŏ Ngế pro xiâm hnê ngăn tơnêi têa mơnhên tối khât Khu xiâm ngăn Hdroâng kuăn ngo ƀă tơdroăng tiô khôp hiăng ‘no hên ivá veăng mơ-eăm tung pêi pro mâu tơdroăng cheăng ki châ pơcháu, malối cho klêi kơ’nâi ‘mot tơkŭm mâu tíu pêi cheăng. ‘Na mâu tơdroăng ki kal tơtrŏng tung la ngiâ, pôa Hồ Quốc Dũng, Phŏ Ngế pro xiâm hnê ngăn tơnêi têa pơkâ thế chêh pro klêi troăng hơlâ luât, tung mê chêh pro klêi mơ-éa tŏng gum ăm hok tro, sinh viên hdroâng kuăn ngo, hriăn ngăn chêh pro túa pơkâ tăng cheăng pêi, mơnhông tơdroăng cheăng tê mơdró, tơdjêp mâu ngế pêi cheăng tung kuăn pơlê hdroâng kuăn ngo vâ mơdêk ki rơkê tung tơdroăng rêh kâ ối dêi kuăn pơlê.

Phŏ Ngế pro xiâm hnê ngăn tơnêi têa pơkâ thế Khu xiâm ngăn Kuăn ngo ƀă tơdroăng tiô khôp khŏm mơ-eăm pêi pro poê kơdroh, pro tơ’lêi hlâu cheăng chêh pro mơ-éa ahdrối hâi lơ 20/4; pơtối séa ngăn xoăng râ, xoăng hnoăng drêng pêi pro kăn pơkuâ 2 râ. Ƀă tơdroăng pơkâ dêi tơnêi têa ‘na hdroâng kuăn ngo athế vêh séa ngăn, rak tơniăn tơdroăng ki xoăng liăn, pơkâ pêi má mơ’nui cho tơƀrê.