Tơdroăng kĭ tơkêa vâ mơdêk pơhlêh xúa kŏng ngê̆ tâi tâng, mơjiâng ivá mơnhông cheăng kâ - rêh ối pơlê pơla dêi kong pơlê Dak Lak tung hneăng nếo. Tiô tơdroăng xiâm kĭ tơkêa, péa pâ kô tơkŭm tơrŭm tung mâu tơdroăng ki xiâm mê cho mơnhông khu râ kăn pơkuâ xúa kŏng ngê̆, troăng klông xúa kŏng ngê̆, cheăng kâ xúa kŏng ngê̆ ƀă pơlê pơla xúa kŏng ngê̆. Ki xiâm cho pêi pro mâu tơdroăng xiâm rêi khu râ kăn pơkuâ pêi cheăng chiâng xúa điê̆n tưh, tơdroăng tơpui pêi pro mơ-éa cheăng kâ rêh ối ƀă tơnêi têa, tíu xiâm pơkuâ rơkê.

MobiFone tơkêa kô rơtế kong pơlê Dak Lak pêi pro Tơdroăng tơkêa bro 06 dêi Chin phuh ƀă Tơdroăng pơkâ kơxô̆ 57 dêi Khu xiâm kal kí, gum mơjiâng mơnhông ‘na khoa hok kŏng ngê̆, pơhlêh nếo tơmiât pêi rơkê ƀă pơhlêh xúa kŏng ngê̆ a kong pơlê. Pôa Đỗ Hữu Huy, Kăn hnê ngăn Vi ƀan kong pơlê Dak Lak tối ăm ‘nâi, tơdroăng kĭ tơkêa tơrŭm vâ mơjiâng xiâm rêi pêi pro tơdâng tơ’mô pơhlêh xúa kŏng ngê̆ tung lâp kong pơlê.