Tiô Khu tơrŭm Cà phê Buôn Ma Thuột - tíu tơkŭm po, hơnăm kố rôh tơ’noăng ai 82 tíu veăng ƀă 185 túa kơphế pơtroh tơ’noăng. Tâi tâng kơphế ki pơtroh tơ’noăng mê châ vâ chê 348 tâ̆n, tâk 42% tâng vâ pơchông ƀă hơnăm 2025. Kố cho tơdroăng ki tơƀrê, ăm hlo tơdroăng tê kơphế lĕm dêi Việt Nam ôh ti xê to pơtê a tíu ki iâ mê dế tơmiât troh vâ tê tung mâu kơchơ tê mơdró ki kân, ai tơdroăng pơkâ thế kơtăng tâ.

Môi túa ki nếo vâ ‘nâi plĕng gá phá ƀă tơdroăng mơnhông rơdêi dêi mâu túa uâ pơliê mơdiê tiô chal nếo nôkố, pro chiâng ai hên, lĕm tâ ‘na ki xú hŏm, mơdêk ki kơnía dêi túa kơphế. Rơtế amê, rôh tơ’noăng hơnăm kố ối ai tơdroăng veăng dêi mâu kơpong pêt nếo, pakĭng mâu kơpong ki hmâ pêt tiah hmâ, ăm hlo tơdroăng ki po rơdâ tơnêi pêt dêi kơphế lĕm Việt Nam.